यावल-पोलीस नायक(प्रतिनिधी):-
येथील सरदार वल्लभभाई पटेल इंग्लिश मिडीयम स्कुलमध्ये महाराष्ट्रात स्त्री शिक्षणाची मुहुर्तमेढ रोवणारे समानता आणी सत्यसाठी देह झिजवणारे बहुजनांचे उद्धारक व सत्यशोधक समाजाचे संस्थापक थोर समाजसेवक क्रांतीसूर्य महात्मा ज्योतिराव फुले यांची जयंती मोठ्या उत्साहात साजरी करण्यात आली.
येथील श्री मनुदेवी शिक्षण प्रसारक मंडळ संचलीत सरदार वल्लभभाई पटेल इंग्लिश मिडियम स्कूलमध्ये थोर समाजसेवक महात्मा ज्योतीबा फुले याची जयंती साजरी करण्यात आली.यानिमित्ताने स्कुलमध्ये आयोजीत कार्यक्रमात सर्व प्रथम सौ.कुंदा नारखेडे यांच्या हस्ते महात्मा ज्योतिराव फुले यांच्या प्रतिमेचे पूजन करून त्यांच्या प्रतिमेस पुष्पहार अर्पण करण्यात येवुन त्यांना अभिवादन करण्यात आले.कार्यक्रमाच्या अध्यक्षस्थानी संस्थाध्यक्ष राजेंद्र महाजन हे होते. यावेळी मुख्यध्यापिका सौ.शिला तायडे व प्रशांत फेगडे यांच्यासह स्कुलचे शिक्षकवृंद व कर्मचारी तसेच विद्यार्थी मोठ्या संख्येने उपस्थित होते.
