मुख्यमंत्री तीन दिवस रजेवरील चर्चेला मुख्यमंत्र्यांचे “मी सुट्टीवर नसून डबल ड्युटीवर” असल्याचे स्पष्टीकरण

विरोधकांच्या टीकेला प्रत्युत्तर देतांना मुख्यमंत्री एकनाथ शिंदे म्हणाले की,विरोधक माझ्यावर आरोप करतात कारण त्यांच्याकडे काहीही कामे  शिल्कल राहिलेली नाही त्यांना आरोप केल्याशिवाय दुसरे कोणतेही काम नसून आम्ही त्यांना घरी बसवले आहे त्यामुळे ते आरोप करतीलच. मात्र आम्ही त्यांना आरोपाचे उत्तर आरोपाने नाही तर कामाने देऊ असे ते म्हणाले.तसेच मी साताऱ्यात येऊन आराम केलेला नाही तर साताऱ्यात आल्यानंतर अनेक जण भेटायला आले.येथील जनतेचे प्रश्न सोडवण्यावर माझा भर आहे त्यासाठी सातत्याने बैठका होत आहेत असेही त्यांनी नमूद केले.दरम्यान मुख्यमंत्री रजेवर असल्याच्या चर्चेवरून ठाकरे गटाच्या नेत्या सुषमा अंधारे यांनीही मुख्यमंत्र्यांच्या टोला लगावला होता.मुख्यमंत्री तीन दिवस रजेवर असल्याचे सांगण्यात येत असून त्यांच्या गावात महापुजेचे आयोजन करण्यात आल्याची माहिती मला मिळाली आहे.माणूस संकट काळात पुजा अर्चना करत असतो.आता त्यांच्यासाठी जरा संकटाचा काळ आहे.मागे त्यांनी शिर्डी आणि कामाख्याला जाऊनही पुजा केली होती असे सुषमा अंधारे यांनी नुकतेच म्हटले होते.