“देवेंद्र फडणवीस हे माझे नेते आहेत आणि त्यांचा निर्णय अंतिम राहील”

महायुतीतीला प्रहार जनशक्ती पक्ष हा आगामी लोकसभा निवडणूक व विधानसभा निवडणुकीची तयारी करत आहे.पक्षाचे प्रमुख आणि आमदार बच्चू कडू यांनी सांगितले आहे की ते महायुतीत लोकसभेच्या अमरावती या जागेसाठी अग्रही आहेत तसेच त्यांचा पक्ष महाराष्ट्रात विधानसभेच्या १५ ते २० जागा लढेल तशी त्यांनी तयारी सुरू केली आहे.बच्चू कडू यांनी अमरावती लोकसभेची मागणी केली असली तरी नवनीत राणा या सध्या अमरावतीच्या खासदार आहेत ज्या सध्या भाजपवासी आहे त्यांनी ही निवडणूक अपक्ष लढली होती परंतु निवडून आल्यावर त्यांनी महायुतीत प्रवेश केला आणि भाजपाला पाठिंबा दर्शवला.बच्चू कडू अमरावती लोकसभेसाठी अग्रही असल्यामुळे आता महायुतीत अंतर्गत वाद होण्याची शक्यता वर्तवली आहे.दरम्यान अमरावतीमधल्या बडनेराचे आमदार आणि नवनीत राणा यांचे पती रवी राणा यांनी आता बच्चू कडू यांच्या वक्तव्यावर प्रतिक्रिया दिली आहे.रवी राणा यांनी म्हटले आहे की,देशात नरेंद्र मोदी यांचे सरकार आहे व राज्यात देवेंद्र फडणवीस या पक्षाचे आणि आमचे प्रमुख आहेत.मोदींजीसोबत स्वतः खासदार म्हणून नवनीत राणा यांची चर्चा झाली आहे.मी अमित शाह यांना अनेकदा भेटलोय व महत्त्वाचे म्हणजे आमच्या पाठीमागे देवेंद्र फडणवीस हे खंबीरपणे उभे आहेत.