यावल येथे शिवराज्याभिषेक दिनानिमित्त डॉ.कुंदन फेगडे मित्र मंडळातर्फे चित्रकला स्पर्धेचे आयोजन

यावल-पोलीस नायक (प्रतिनिधी) :-

येथील समाजसेवक डॉ.कुंदन फेगडे मित्र मंडळाच्यावतीने छत्रपती शिवाजी महाराज यांच्या ३५० व्या शिवराज्याभिषेक दिनानिमित्त चित्रकला स्पर्धेचे आयोजन करण्यात येऊन या स्पर्धेत उत्कृष्ठ चित्र काढणाऱ्या स्पर्धकांना समाजसेवक डॉ.कुंदन फेगडे यांच्या हस्ते नुकतेच बक्षीस वितरण करण्यात आले.

यावल येथे ३५० वा शिवराज्याभिषेक दिन साजरा करतांना येणाऱ्या पिढीला शिव छत्रपतींच्या इतिहासीक जिवन कार्याची माहिती मिळावी व छ्त्रपतींचे चारित्र्य विद्यार्थ्यांनी आत्मसात करता यावे तसेच चित्रकलेच्या माध्यमातुन शिवचरित्र बालकामध्ये रूजवता आले पाहिजे या उद्देशाने हि चित्रकला स्पर्धा रावेर यावल विधानसभा क्षेत्रामध्ये आयोजीत करण्यात आली असल्याची भावना समाजसेवक डॉ.कुंदन फेगडे यांनी व्यक्त केली आहे.सदर स्पर्धेत छत्रपती शिवाजी महाराज शिवराज्याभिषेक सोहळा,शिवाजी महाराजांनी उभारलेल्या कोणत्याही एका गड वा किल्ल्याची प्रतिमा रेखाटन तसेच  छत्रपती शिवाजी महाराज यांची अश्वारूढ प्रतिमा रेखाटन अशा विषयांवर स्पर्धा घेण्यात आली यात ४६ विद्यार्थी स्पर्धकांनी सहभाग नोंदविला होता.ऑनलाईन पार पडलेल्या या स्पर्धेतील विजेत्या स्पर्धकांना यावल येथील आई हॉस्पिटलमध्ये समाजसेवक डॉ.कुंदन फेगडे यांच्या हस्ते बक्षीस वितरण करण्यात आले.कार्यक्रमाचे सुत्रसंचालन सागर लोहार यांनी केले तर उपस्थितांचे आभार मनोज बारी यांनी मानले.या स्पर्धेत प्रथम क्रमांक तपस्या चुडामण पाटील यावल हिने पटकावला तिला २ हजार १०० रूपये व प्रमाणपत्र देण्यात आले तर द्वितीय क्रमांक मोहित अनिल पाटील चिनावल ता.रावेर याने पटकावला त्यास १ हजार १०० रूपये व प्रमाणपत्र तसेच तृतीय क्रमांक साक्षी विलास पाटील उचंदा ता.मुक्ताईनगर हिने पटकावला तिला ५०१ रूपये रोख व प्रमाणपत्र देवुन सन्मानीत करण्यात आले तसेच सर्व स्पर्धेत सहभागी स्पर्धकांना प्रमाणपत्र देवुन गौरवण्यात आले.