“सगळे धमकी देणारे लोक भाजपा पुरस्कृत,मला तुमच्या सुरक्षेची गरज नाही” संजय राऊत यांची भूमिका

दरम्यान यावेळी शिवसेना एकनाथ शिंदेंनी नसून अमित शाह यांनी फोडली असा दावा करताना संजय राऊतांनी त्यावर प्रतिक्रिया दिली आहे. एकनाथ शिंदे यांच्यावर ईडीच्या माध्यमातूनच दबाव आला हे आदित्य ठाकरेंनी सांगितले आहे त्यांच्यासमोर ते कसे रडले हे मलाही माहिती आहे आमचे म्हणणे होते की,आपण खंबीर राहायला हवे हेही दिवस जातील पण हे लोक घाबरले आता मोठ्या गर्जना करतायत पण त्या पोकळ आहेत.भविष्यात भाजपा त्यांना नष्ट केल्याशिवाय राहणार नाही ती सुरुवात झाली आहे कारण त्यांना कोणत्याही प्रकारे महाराष्ट्राचा आवाज उठवणारा पक्ष किंवा संघटना इथे नकोय असे राऊत म्हणाले.दरम्यान महाराष्ट्रातील पाच मंत्र्यांचे राजीनामे घेण्यासंदर्भात भाजपाच्या केंद्रीय नेतृत्वाने मुख्यमंत्री एकनाथ शिंदेंना सूचना केल्याची चर्चा रंगू लागली आहे.हे खरे असल्याचे संजय राऊत म्हणाले आहेत.ही बातमी माझ्या माहितीप्रमाणे खरी आहे त्यात चार मंत्री मिंधे गटाचे आहेत त्यामुळे आता खरे स्फोट त्यानंतर व्हायला सुरुवात होईल.भविष्यात मीही इथे बसूनच ते स्फोट करेन.तसेच राऊतांना जीवे मारण्याची धमकी आल्याची ऑडीओ क्लिप व्हायरल होत आहे त्यावर ते म्हणाले,सगळे धमकी देणारे लोक भाजपा पुरस्कृत आहेत.मी गृहमंत्र्यांना आणि मुख्यमंत्र्यांना पत्र लिहून सांगितलय की मी घाबरणारा नाही.मला तुमच्या सुरक्षेची गरज नाही असे संजय राऊत म्हणाले.

सं