“रेल्वे सुरक्षा निधीचा वापर मसाज मशिन,फर्निचर खरेदीसाठी?” सुप्रिया सुळे यांची मोदी सरकारवर टीका

मुंबई-पोलीस नायक (वृत्तसेवा) :-

ओडिशात २ जून रोजी मोठा रेल्वे अपघात झाला होता.या अपघातात २८८ प्रवशांचा मृत्यू आणि ११०० जणांच्यावर गंभीर जखमी झाले होते.या अपघातानंतर केंद्र सरकार आणि रेल्वेमंत्री अश्विनी वैष्णव यांच्यावर चहूबाजूंनी टीकास्र सोडले जात होते परंतु ही राजकारण करण्याची वेळ नसल्याचे प्रत्युत्तर अश्विनी वैष्णव यांनी दिले होते अशातच राष्ट्रवादी काँग्रेसच्या खासदार सुप्रिया सुळे यांनी कॅग अहवालाचा दाखला देत केंद्र सरकारवर घणाघाती टीका केला आहे.राष्ट्रीय रेल्वे सुरक्षा निधीची रक्कम मसाज करणारे मशीन,क्रॉकरी आणि जॅकेट खरेदी करण्यासाठी वापरल्याचे कॅगच्या अहवालात समोर आले आहे यावरून सुप्रिया सुळेंनी केंद्र सरकारला धारेवर धरले आहे.ट्वीट करत सुप्रिया सुळे म्हणाल्या की,रेल्वेच्या सुरक्षेसाठी वापरणे अपेक्षित असलेला राष्ट्रीय रेल्वे सुरक्षा निधीची रक्कम पायाचा मसाज करणारे मशीन,क्रॉकरी,जॅकेट अशा गोष्टी खरेदी करण्यासाठी वापरण्यात आल्याचे कॅगच्या अहवालात नमूद करण्यात आले आहे ही रक्कम तब्बल ४८.२१ कोटी रुपयांची आहे. याखेरीज रेल्वे गरज नसलेल्या गोष्टींवर पैसा उधळत असल्याचे निरीक्षण देखील या अहवालात नमूद करण्यात आले आहे.