“गद्दार आणि त्यांना प्रोत्साहन देणाऱ्या भाजपच्या छाताडावर पुन्हा भगवा फडकावणारच”! उद्धव ठाकरे यांची गर्जना

कायद्याचे राज्य संपुष्टात येऊन तेथील जनता पिसाळली की काय होते याचे प्रत्यंतर मणिपूरमध्ये येत आहे.मणिपूरवरून पंतप्रधानावर टीका केल्यानंतर,सूर्यावर थुंकू नका असा इशारा शिंदे यांनी दिला मग तुमचा हा सूर्य मणिपूरमध्ये का उगवत नाही,तुमच्या सूर्याचे करायचे काय? अशा शब्दात ठाकरे यांनी मुख्यमंत्र्यांना फटकारले.इकडे गर्दी असून तिकडे गारदी आहेत.सगळेच अवली आहेत पण लव्हली कोणीच नाही. तुम्ही अवली असले तरी जनता कावली आहे तुम्ही सगळे मानसिक रुग्ण असून उपचारांची गरज असल्याचा हल्ला उद्धव ठाकरे यांनी यावेळी चढविला.पक्षातील अनेकांना फोन करून फोडण्यापेक्षा माझ्याकडे यादी द्या त्यांना मी तुमच्याकडे पाठवितो असेही ठाकरे म्हणाले.करोना प्रतिबंधक लस मोदींनी तयार केली असा जावई शोध उपमुख्यमंत्री देवेंद्र फडणवीस यांनी लावला आहे याबाबत फडणवीस यांचे भाषणच ठाकरे यांनी सभागृहात ऐकविले.हास्यजत्रेचा प्रयोग करून राज्यातील जनतेचे फडणवीस यांनी मनोरंजन केल्याची कोपरखळी त्यांनी यावेळी लगावली.