“शिवसेना-भाजपा युती किती मजबूत आहे व किती मनापासून झाली आहे ते आजच्या नीलमताईंच्या प्रवेशामुळे स्पष्ट झाले आहे” एकनाथ शिंदे यांचे सूचक वक्तव्य

२०१४ ते २०१९ हे युतीचे सरकार होते आणि देवेंद्र फडणवीस हे तेव्हा मुख्यमंत्री होते व मी त्या मंत्रिमंडळात होतो त्याही वेळी लोकहिताचे निर्णय घेतले पण दुर्दैवाने मधल्या काळात वेगळे सरकार होते त्या काळात प्रकल्प मंदावले होते विकासकामांना खिळ बसली होती पण आम्ही सरकार स्थापन केल्यानंतर लोकहिताचे जे निर्णय आहेत ते आम्ही घेतले आहे.बंद पडलेल्या प्रकल्पांनाही आम्ही चालना दिली.बाळासाहेबांचे विचार घेऊन आम्ही पुढे चाललो आहोत. निवडणूक आयोगाने चिन्ह आणि पक्ष आम्हाला दिला आहे असेही एकनाथ शिंदे यांनी म्हटले आहे.सर्वोच्च न्यायालयानेही काय निकाल दिला ते आपण पाहिले त्याचे काही लोक वेगळे अर्थ काढत आहेत ते काढू देत पण असे असताना पदाधिकारी,आमदार,खासदार,संघटनेचे जिल्हाध्यक्ष,पदाधिकारी खूप मोठ्या प्रमाणावर आमच्याकडे येत आहेत.मनिषाताईही आपल्याकडे आल्या.घटनात्मक उपसभापती असलेल्या नीलम गोऱ्हे यादेखील आपल्या बरोबर आल्या त्यांनी महिलांच्या उत्कर्षासाठी काम करण्याची इच्छा व्यक्त केली आहे असे एकनाथ शिंदे यांनी म्हटले आहे.