“मी अजित पवारांना समर्थन दिले आहे याचा अर्थ मी भाजपाचा प्रचारक असेल किंवा भाजपा सत्तेवर येण्यासाठी मी प्रयत्न करेन असे नाही” अमोल मिटकरी यांचे विधान

आगामी निवडणुकांमध्ये जेव्हा महायुतीची एकत्रित सभा होईल तेव्हा तुम्ही भाजपाचा प्रचारक म्हणून सभा घेणार का? असा सवाल विचारला असता अमोल मिटकरी म्हणाले की,विधानसभेच्या ९० जागांवर जिथे राष्ट्रवादी काँग्रेसचा उमेदवार उभा असेल तिथे मी प्रचार करणार असून  भाजपाच्या उमेदवारांचा प्रचार करणे माझ्यावर बंधनकारक नाही.अमोल मिटकरी हा महाराष्ट्रातला पुरोगामी चळवळीतला एक कार्यकर्ता असून त्याने त्याची विचारधारा आजपर्यंत जोपासली व त्या विचारधारेचा सन्मान म्हणून मी आज आमदार पदावर आहे परिणामी ती विचारधारा मी कधीही सोडणार नाही ही काळ्या दगडावरची पांढरी रेष आहे.अजित पवार हे माझे नेते आहेत त्यामुळे त्यांनी जो निर्णय घेतलाय त्याचे मी समर्थन केले आहे.मात्र याचा अर्थ असा नाही की मी भारतीय जनता पार्टीचा प्रचारक असेल किंवा भाजपाचे सरकार यावे यासाठी मी प्रयत्न करेन असे कधीही होणार नाही असे अमोल मिटकरी यांनी म्हटले आहे.नरेंद्र मोदी यांना पंतप्रधान करण्यासाठी भाजपाला पाठिंबा दिला असे  अजित पवारांनी स्वत: सांगितले आहे.तुम्हीही त्यांच्याच पक्षातील आहात मग भाजपाला निवडून येण्यासाठी मदत करणार नाही असे कसे म्हणू शकता? असे विचारले असता मिटकरी पुढे म्हणाले की,ते अजित दादांचे वैयक्तिक मत आहे ते माझे वैयक्तिक मत नाही असे अमोल मिटकरी यांनी नमूद केले आहे.