“बच्चू कडू आज ११ वाजता आपली पुढील वाटचालीसंदर्भातली भूमिका जाहीर करणार!!”

एकीकडे राज्यात मंत्रीमंडळ विस्तार व खातेवाटपाची जोरदार चर्चा पाहायला मिळत असून सत्ताधार गटांमधील काही संभाव्य आमदारांना मुंबईतच राहण्यासही सांगण्यात आल्याचे बोलले जात आहे.या पार्श्वभूमीवर मंत्रीपदासाठी गेल्या अनेक महिन्यांपासून इच्छुक असणारे बच्चू कडू मात्र अद्याप त्यांच्या मतदारसंघातच आहेत.यासंदर्भात त्यांनी टीव्ही ९ ला दिलेल्या प्रतिक्रियेमध्ये मोठे विधान केले असून आपण आज ११ वाजता आपली पुढील वाटचालीसंदर्भातली भूमिका जाहीर करणार आहोत असे ते म्हणाले आहेत त्यामुळे मंत्रीपदामुळे नाराज असणारे बच्चू कडू आता नेमकी काय भूमिका घेणार? यावर राजकीय वर्तुळात तर्क-वितर्कांना उधाण आले आहे.दरम्यान मंत्रीपदी वर्णी लागणाऱ्या संभाव्य आमदारांना मुख्यमंत्री व उपमुख्यमंत्र्यांचे फोन संबंधित आमदारांना गेल्याची चर्चा आहे या पार्श्वभूमीवर बच्चू कडू यांनी फोन आल्याची माहिती दिली आहे.मंत्रीमंडळ विस्ताराबाबत मला फोन आलेला असला तरी आज ११ वाजता मंत्रीमंडळात सामील होणार किंवा नाही होणार वगैरे याबाबत माझी भूमिका मी जाहीर करणार आहे असे बच्चू कडू म्हणाले.त्यांनी मला फक्त फोन करून बोलवले असून विस्ताराबाबत काय निर्णय घ्यायचा याबाबत आज ११ वाजता मी भूमिका जाहीर करणार आहे असेही बच्चू कडू यांनी नमूद केले आहे.