“मुख्यमंत्र्यानी विनंती केल्यामुळे आजचा दावा सोडण्याचा निर्णय १८ तारखेपर्यंत पुढे ढकलत आहे” बच्चू कडू यांची पत्रकार परिषदेत माहिती

दरम्यान यावेळी बोलताना बच्चू कडू यांनी सध्याच्या राजकीय घडामोडींवरील आपली नाराजी बोलून दाखवली.एकंदरीत सत्ता,पैसा आणि पुन्हा सत्ता या बदलत्या राजकारणाचा आम्हाला कंटाळा आला आहे.सगळे काही पदासाठी नसते काही लोक म्हणतात की तुम्हाला आता पद मिळणार नाही वगैरे मी त्याची पर्वा करत नाही आमची भूमिका ठाम आहे.आम्ही इथून पुढे दिव्यांगांसाठी,शहीद परिवारांसाठी काम करणार आहे अशी भूमिका बच्चू कडूंनी यावेळी मांडली.मी आज मंत्रीपदाचा दावा सोडण्याचा निर्णय घेणार होतो पण गेल्या मुख्यमंत्री अर्ध्या तासापासून खूप फोन करत आहेत त्यांनी मला त्यांची भेट घेतल्यानंतर निर्णय घेण्यासंदर्भात विनंती केली आहे त्यामुळे मी त्यांची विनंती म्हणून आजचा दावा सोडण्याचा निर्णय १८ तारखेपर्यंत पुढे ढकलला आहे त्यांनी १७ तारखेला भेटण्यासाठी विनंती केली आहे.त्यानंतर १८ तारखेला तुम्हाला हवा तो निर्णय घ्या असे ते म्हणाले आहेत त्यानुसार मी १८ तारखेला माझा निर्णय जाहीर करेन असे बच्चू कडू यांनी यावेळी स्पष्ट केले आहे.आपण सामान्यांसाठी आहोत,सामान्यांसाठी राहायला पाहिजे.काही चुका आमच्या हातून झाल्या असतील पण त्या दुरुस्त करण्याची काळजी आम्ही करायला पाहिजे.मला दिव्यांगांसाठी,मतदारसंघासाठी वेळ द्यायचा आहे त्यामुळे मंत्रीपद घेतले तर तो वेळ देता येणार नाही.मी आज निर्णय घेणार होतो पण मुख्यमंत्र्यांनी मला विनंती केली की आज कुठला निर्णय घेऊ नका पण मी माझ्या निर्णयावर ठाम राहीन.१८ तारखेला मी त्यासंदर्भात निर्णय जाहीर करेन असे ते म्हणाले.बच्चू कडू वैयक्तिक फायद्यासाठी कधीच नाराज होणार नाही.आम्ही सामान्य माणसासाठी लढू,मरू.स्वत:साठी नाराज होण आमच्या मायबापाने कधी शिकवले नाही.आमच्या थोरांनी कधी शिकवले नाही.उद्या दोन पावल मागे घेऊन पद घेणे आमच्यासाठी महत्त्वाचे नाही त्यामुळे या सरकारमध्ये आता अशा पद्धतीने जायचे नाही असे माझ्या डोक्यात मी ठाम ठरवले आहे त्यामुळे सामान्य लोकांसाठी काम करावे असे मला वाटते अशा शब्दांत बच्चू कडूंनी आपली भूमिका स्पष्टपणे समोर मांडली आहे.