“हे सरकार विकासासाठी स्थापन झालेले नाही तर हे सरकार ईडीमुळे आले आहे” विजय वडेट्टीवार यांचा जोरदार शाब्दिक हल्ला

मुंबई-पोलीस नायक (वृत्तसेवा) :-

दि.१३ जुलै २३ गुरुवार

काँग्रेस नेते विजय वडेट्टीवार यांनी शिंदे-फडणवीस-पवार सरकारच्या खातेवाटप आणि मंत्रीमंडळावर बोलताना जोरदार शाब्दिक हल्ला केला आहे तसेच शिंद गटाने कितीही विरोध केला तरी अर्थमंत्रीपद अजित पवारांनाच मिळेल असा मोठा दावा केला.यावेळी त्यांनी देवेंद्र फडणवीसांचाही उल्लेख केला तसेच शिंदे गटाचा स्वाभिमान काढत थेट आव्हान दिले ते आज दि.१३ जुलै गुरुवार रोजी टीव्ही ९ मराठीला दिलेल्या प्रतिक्रियेत बोलत होते.विजय वडेट्टीवार म्हणाले की,शिंदे गटाकडून अजित पवारांना अर्थखात देण्याला विरोध होत आहे कारण ते आधी जाहिरपणे म्हणाले होते की अजित पवार त्यांना निधी देत नाहीत.अजित पवारांमुळे आम्हाला शिवसेनेतून  बाहेर पडावे लागले.आता अजित पवारांना जाहिरपणे सांगा की,आम्ही राहू शकत नाही.शिंदे गटात थोडासा जरी स्वाभिमान असेल त्यांच्या शब्दाला काही किंमत असेल तर त्यांनी हे बोलून सरकारमधून बाहेर पडले पाहिजे.अर्थखाते हे अजित पवारांनाच मिळेल कारण देवेंद्र फडणवीसांनी त्यांना अर्थखाते देण्याचे आश्वासन दिले आहे.आता फडणवीस शिंदे गटाची समजूत काढतील.आम्ही लक्ष घालू,आमचे लक्ष राहील,मागच्याप्रमाणे आम्ही अन्याय होऊ देणार नाही असे फडणवीस सांगतील मात्र ते अजित पवार आहेत ते कुणालाही ऐकणार नाहीत असा दावा विजय वडेट्टीवारांनी केला आहे.