“जनता उपाशी आणि सरकार तुपाशी”अशी सध्याची अवस्था असल्याने राज्यात राष्ट्रपती राजवट लागू करावी- नाना पटोले यांची मागणी

नागपूर-पोलीस नायक (वृत्तसेवा) :-

दि.१३ जुलै २३ गुरुवार

राज्य सरकारमध्ये विकास कामांपेक्षा खाते वाटपावर अधिक चर्चा सुरू असून जनता उपाशी आणि सरकार तुपाशी अशी सध्याची अवस्था असून महाराष्ट्राला हे भूषणावह नाही त्यामुळे राज्यात राष्ट्रपती राजवट लागू करावी अशी मागणी कॉंग्रेस प्रदेशाध्यक्ष नाना पटोले यांनी पत्रकारांशी बोलताना नागपुरात केली आहे.तपास यंत्रणांची भीती दाखवून विरोधकांना गप्प केले जात असून कोणाकडे कुठले खाते जाणार याच्याशी जनतेला काही देणेघेणे नाही.सरकार आता मायबाप राहिला नाही हे शिंदे -फडणवीस आणि पवार सरकार आता जनतेला लुटणारे सरकार झाले आहे.जनतेला वाऱ्यावर सोडले आहे.अनेक भागांत पेरण्या झाल्या नाही अवकाळी पावसाची मदत मिळाली नाही.शेतकरी आत्महत्या सुरू आहेत याचे कोणालाच देणेघेणे नाही.राज्याचे कृषिमंत्री शेतकऱ्यांना लुटायला निघाले आहेत.नकली पथक करून कृषी केंद्रावर आपलेच अधिकारी पाठवायचे व लुटायचे असे सध्या महाराष्ट्रात सुरू आहे.कलंक या शब्दावरून भाजपा आणि ठाकरे गटामध्ये वाद सुरू असतांना महाराष्ट्राला भाजपाने कलंक लावून ठेवलेला आहे अशी टीका नाना पटोले यांनी केली आहे.