“भारत जिंकणार, इंडिया जिंकणार आणि हुकूमशाहीचा पराभव होणार,हिंमत असेल तर भारताचा पराभव करून दाखवा”; संजय राऊतांचे आव्हान

देशातील विरोधी पक्षांची काल संयुक्त बैठक बंगळुरूत पार पडली या बैठकीत २६ पक्षांच्या आघाडीला INDIA हे नाव देण्यात आले असून Indian National Development Inclusive Alliance असा त्याचा पूर्ण अर्थ होतो मात्र यावरून भाजपाने टीका केली आहे.हा भारताचा अपमान असल्याचे म्हटले जात आहे यावरून संजय राऊतांनी भाजपावर टीकास्र सोडले आहे.नऊ वर्षांत एनडीए आठवली नाही.मित्र पक्ष आठवले नाहीत परंतु आम्ही एकत्र आल्यावर त्यांना एनडीए आठवली याबद्दल एनडीएच्या लोकांनी मोदींचा सत्कारच केला पाहिजे ही भीती आहे.आम्ही एकत्र आलो आहोत हा इंडिया आहे फक्त मोदींनाच वोट फॉर इंडिया बोलण्याचा अधिकार नाही.मोदी इज इंडिया,हा इंडियाचा अपमान नाही का? वारंवार मोदींनी आपल्या भाषणात आम्ही म्हणजे इंडिया आहोत असे म्हटले आहे याचा अर्थ काय होतो? मोदी म्हणजे इंडिया नाही.भाजपा म्हणजे इंडिया नाही प्रत्येक व्यक्ती इंडिया आहे असे संजय राऊत म्हणाले.भ्रष्टाचारी लोकांची ही आघाडी असल्याची टीकाही भाजपाकडून करण्यात आली आहे यावरून संजय राऊत म्हणाले की,७० हजार कोटींचा सिंचन घोटाळा तुमच्या बाजूला उभा आहे. पाठिमागे इक्बाल मिरची उभा आहे हे ढोंग बंद करा हे ढोंग लोकांना कळतंय तुम्ही म्हणजेच इंडिया हे आम्ही मानत नाही हे नागरिक म्हणजे इंडिया आहे.आम्ही २६ पक्ष एकत्र आल्यावर तुमच्या एनडीएचे कमळ फुलायला लागले.आम्ही भारत म्हणून देश म्हणून एकत्र आल्यावर तुम्हाला एनडीए आठवली.हा इंडिया तुमच्या हुकूमशाहीचा पराभव केल्याशिवाय राहणार नाही.भारत जिंकणार, इंडिया जिंकणार आणि हुकूमशाहीचा पराभव होणार.हिंमत असेल तर भारताचा पराभव करून दाखवा असे आव्हान संजय राऊत यांच्याकडून करण्यात आले आहे.