आक्षेपार्ह व्हिडीओप्रकरणी मुंबई पोलिसांच्या गुन्हे शाखेची तत्परतेने तपासाला सुरुवात

विधान परिषदेत विरोधी पक्षनेते अंबादास दानवे यांनी सोमय्या यांच्या ध्वनिचित्रफितीचा मुद्दा उपस्थित केला.केंद्रीय सुरक्षा दलाच्या सुरक्षा व्यवस्थेत फिरणारे किरीट सोमय्या कोणते धंदे करतात हे समोर आले आहे यामुळे त्यांची सुरक्षा व्यवस्था तात्काळ काढून घेण्यात यावी अशी मागणी अंबादास दानवे यांनी केली तसेच आठ तासांच्या कालावधीच्या ध्वनिचित्रफितीचा पेनड्राइव्ह दानवे यांनी उपसभापती डॉ.नीलम गोऱ्हे यांच्याकडे सुपूर्द करीत याची चौकशी करून कारवाईची मागणी केली आहे.किरीट सोमय्या हे मराठीद्रोही असून राजकीय दलाल आहेत असा आरोपही अंबादास दानवे यांनी केला आहे.विरोधी पक्षांनी हा मुद्दा उचलून धरत चौकशीची मागणी केल्यावर उपमुख्यमंत्री देवेंद्र फडणवीस यांनी सखोल चौकशी करण्याची घोषणा केली.माझ्या संदर्भात काही ध्वनिचित्रफिती समाज माध्यमांमध्ये प्रसारित झाल्या आहेत.माझ्याकडून महिलांचे लैंगिक शोषण झाल्याचा आरोप करण्यात येतो तथापि माझ्याकडून कोणत्याही महिलेवर अत्याचार झालेला नाही असा खुलासा किरीट सोमय्या यांनी केला आहे तसेच प्रसारित झालेल्या ध्वनिचित्रफितीची सत्यता तपासावी अशी मागणी सोमय्या यांनी उपमुख्यमंत्री फडणवीस यांना पाठविलेल्या पत्रात केली आहे.कथित आक्षेपार्ह चित्रफितीप्रकरणी किरीट सोमय्या यांनी पोलीस आयुक्त विवेक फणसळकर यांना पत्र पाठवून यासंदर्भात चौकशी करण्याची मागणी केली आहे त्याबाबत पोलीस तपासणी करीत आहेत.विरोधी पक्षनेते अंबादास दानवे यांनी दिलेला पेनड्राइव्ह मी महिला पोलीस अधिकारी आणि महिला डॉक्टरांच्या मदतीने तपासणार आहे.आपली सभागृहातील चर्चा ऐकून या प्रकरणात शोषण झालेल्या महिलेने तक्रार दाखल करण्यासाठी पुढे आले पाहिजे यापूर्वी अनेक महिला सभागृहातील चर्चा ऐकून तक्रार दाखल करण्यासाठी पुढे आल्या आहेत या महिलेने देखील पुढे यावे असे उपसभापती गोऱ्हे यांनी म्हटले आहे.