आईने मोबाईल दिला नाही या कारणावरून नाराज शाळकरी मुलाची गळफास घेऊन आत्महत्या

     आत्महत्या केलेल्या मुलाचे नाव शुभम मोतीराम धोत्रे असे आहे.शुभम हा अंजनगाव येथील सोमेश्वर महाविद्यालयात इयत्ता नववी मध्ये शिकत होता.शुभमला वडील नसल्याने आई एकटीच त्याचा सांभाळ करीत होती.घरची परिस्थिती गरिबीची असल्याने आई मोलमजुरी करून उदरनिर्वाह करत होती.मात्र शुभम आईकडे मोबाईल साठी हट्ट करत होता.आर्थिक परिस्थितीमुळे आईने मोबाईल घेऊन दिला नाही या कारणामुळे निराश झालेल्या शुभमने गळफास घेऊन आत्महत्या केली.शुभमने पत्र्याच्या शेडच्या अँगलला साडीच्या साह्याने गळफास घेत आपल्या आयुष्याचा शेवट केला.पोलीस ठाण्याचे पोलीस निरीक्षक अरुण अवसर यांनी घटनास्थळी भेट देत संपूर्ण घटनेची माहिती घेतली. यापुढील अधिक तपास मालेगाव पोलीस करत आहेत.सदरील घटना गुरुवार रोजी संध्याकाळी साडेसात वाजण्याच्या दरम्यान मोबाईल न दिल्याच्या कारणामुळे शुभमने गळफास घेतल्यामुळे परिसरात हळहळ व्यक्त केली जात आहे.