“संभाजी भिडे जे बोलले ते इतके घृणास्पद नव्हते जितके त्यांच्यासमोर बसलेल्या प्रेक्षकांनी हसून त्या विधानाचे समर्थन करणे घृणास्पद होते”

शिवप्रतिष्ठान हिंदुस्थान संस्थेचे संस्थापक मनोहर उर्फ संभाजी भिडे हे त्यांच्या विधानांमुळे अनेकदा चर्चेत आणि प्रसंगी वादात आल्याचे पाहायला मिळाले असून नुकतेच त्यांनी अमरावतीमध्ये बोलतांना थेट राष्ट्रपिता महात्मा गांधींबाबत केलेले विधान सध्या वादाचा विषय ठरले आहे त्यांच्या आक्षेपार्ह विधानावर राजकीय वर्तुळासह समाजातील विविध घटकांकडून संतप्त प्रतिक्रिया येत असतांना आता महात्मा गांधींचे पणतू तुषार गांधी यांनी प्रसार माध्यमांशी बोलतांना संभाजी भिडेंच्या विधानावर प्रतिक्रिया दिली आहे यावेळी तुषार गांधींना अश्रू अनावर झाले हे विशेष !.संभाजी भिडे यांनी बडनेरातील जय भारत मंगलम येथील सभेत बोलतांना महात्मा गांधींचे वडील करमचंद गांधी नसून एक मुस्लीम जमीनदार होते असे विधान केले आहे.मोहनदास हे करमचंद यांच्या चौथ्या पत्नीचे पुत्र होते.करमचंद हे ज्या मुस्लीम जमीनदाराकडे कामाला होते त्याच जमीनदाराची मोठी रक्कम चोरून ते पळून गेले होते त्यामुळे त्या चिडलेल्या मुस्लीम जमीनदाराने करमचंद यांच्या पत्नीलाच पळवून घरी आणले त्यांच्याशी पत्नीसारखा व्यवहार केला त्यामुळे करमचंद गांधी हे मोहनदास यांचे खरे वडील नसून ते त्याच मुस्लीम जमीनदाराचे पुत्र आहेत तसेच मोहनदास यांचा सांभाळ व शिक्षणही त्याच मुस्लीम पालकाने केले असे संभाजी भिडे म्हणाले आहेत.