“सोशल मीडियावरील वादग्रस्त मजकूर आणि स्टेटसमुळे राज्यात हिंसाचार”-सुजय विखे पाटील यांचे विधान

मागील काही दिवसांत महाराष्ट्रात अनेक ठिकाणी दंगली घडल्या असून व्हॉट्सअॅपवर औरंगजेबाचे स्टेटस ठेवल्याप्रकरणी औरंगाबादमध्ये हिंदू-मुस्लीम समुदायात तणाव निर्माण झाला होते तर काही दंगलखोरांनी तोडफोड आणि जाळपोळ केली होती.अहमदनगरमध्येही हिंदू-मुस्लीम दंगल घडली दरम्यान शनिवारी अहमदनगर जिल्ह्यातील राहुरी येथे भाजपा आमदार नितेश राणे यांच्या नेतृत्वाखाली हिंदू जनआक्रोश राहुरी तालुक्यातील उंबरे गावातील कथित लव्ह जिहाद आणि धर्मांतर प्रकरणी हा मोर्चा काढला होता.या घडामोडीनंतर अहमदनगर लोकसभा मतदारसंघातील भाजपाचे खासदार सुजय विखे पाटील यांनी प्रतिक्रिया दिली आहे.सोशल मीडियावरील वादग्रस्त मजकूर आणि स्टेटसमुळे राज्यात हिंसाचार घडत आहे अशा आशयाचे विधान सुजय विखे पाटील यांनी केले असून ते अहमदनगर येथे प्रसारमाध्यमांशी संवाद साधत होते.यावेळी सुजय विखे पाटील म्हणाले की,मोबाईलवरील वादग्रस्त मेसेज आणि स्टेटसमुळे राज्यात हिंसाचार घडत आहे हे या समाजाचे दुर्दैव आहे.मोबाईलवर बंदी आणण्यासाठी काहीतरी करायला पाहिजे.मोबाईलवरून कुणी काहीही मेसेज टाकतो यामुळे कुणाच्या तरी भावना दुखावतात त्यानंतर भावना दुखावणारे वेगळेच असतात पण तोडफोड आणि जाळपोळ वेगळेच लोक करतात यात आरोपी वेगळेच असतात असे वातावरण समाजासाठी फार घातक आहे या मताचा मी आहे याचे नियंत्रण कसे करावे? हा मुख्य प्रश्न आहे यासाठी आई-वडिलांनी आपली जबाबदारी योग्यपणे पार पाडणे अत्यंत आवश्यक आहे.