“जर संकल्प पूर्ण करायचा असेल तर आपल्याला तीन वाईट प्रवृत्तींचा सामना करणे गरजेचे”

देशाच्या स्वातंत्र्यदिनाच्या निमित्ताने दरवर्षीप्रमाणे याही वर्षी दिल्लीतील लाल किल्ल्यावर सोहळ्याचे आयोजन करण्यात आले प्रसंगी  पंतप्रधान नरेंद्र मोदींच्या हस्ते ध्वजारोहण करण्यात आले.यावेळी आपल्या भाषणामध्ये पंतप्रधान नरेंद्र मोदींनी देशाच्या विकासाबाबत बोलतांनाच विरोधकांवरही टीका केली.आधीच्या सरकारच्या काळात भ्रष्टाचार मोठ्या प्रमाणावर झाल्याची टीका मोदींनी यावेळी केली तसेच देशाच्या विकासामध्ये तीन वाईट प्रवृत्ती असल्याचे सांगतांना त्यात घराणेशाहीचा उल्लेख करत मोदींनी काँग्रेससह इतर विरोधी पक्षांना टोला लगावला.२०४७ मध्ये जेव्हा देश स्वातंत्र्याची १०० वर्षं साजरी करत असेल तेव्हा भारत विकसित झाला असेल हे मी देशाच्या सामर्थ्याच्या जोरावर म्हणतोय.सर्वात जास्त ३० हून कमी वयाच्या युवा शक्तीच्या जोरावर,महिलांच्या जोरावर म्हणत आहे पण त्यामध्ये काही अडथळे आहेत.काही विकृती गेल्या ७५ वर्षांत देशात घर करून बसल्या आहेत.आपल्या समाजव्यवस्थेचा असा हिस्सा बनल्या आहेत की कधीकधी आपण डोळे बंद करून घेतो पण आता डोळे बंद करण्याचा वेळ नाहीये जर संकल्प पूर्ण करायचा असेल तर आपल्याला तीन वाईट प्रवृत्तींचा सामना करणे गरजेचे आहे असे पंतप्रधान नरेंद्र मोदी यावेळी म्हणाले.या तीन वाईट प्रवृत्तींपैकी पहिली प्रवृत्ती म्हणजे भ्रष्टाचार असल्याचे मोदी यावेळी म्हणाले.आपल्या देशाच्या सर्व समस्यांच्या मुळाशी भ्रष्टाचाराने वाळवीप्रमाणे देशाच्या सामर्थ्याला पोखरून काढले  आहे.भ्रष्टाचारापासून मुक्ती,त्याच्याविरोधात लढा प्रत्येक क्षेत्रात होणे आवश्यक आहे हा मोदींचा शब्द आहे.मी भ्रष्टाचाराच्या विरोधात लढत राहीन असे ते म्हणाले.दुसरी अडचण म्हणजे आपल्या देशाला घराणेशाहीने पोखरून ठेवले आहे.घराणेशाहीने देशाला बांधून ठेवले आहे त्यामुळे देशाच्या लोकांचे अधिकार हिसकावून घेतले आहेत असे ते म्हणाले.तसेच तिसरी अडचण म्हणजे द्वेषभावना.या द्वेषभावनेने देशाच्या मूलभूत विचाराला,देशाच्या सर्वसमावेशच चारित्र्याला डाग लावला आहे.उद्ध्वस्त करून ठेवले आहे अशा शब्दांत मोदींनी देशासमोरची तिसरी वाईट प्रवृत्ती नमूद केली.