शिवसेना उद्धव बाळासाहेब ठाकरे गटाचे प्रमुख उद्धव ठाकरे उद्या दि.१० रोजी जळगाव जिल्हा दौऱ्यावर

जळगाव-पोलीस नायक (प्रतिनिधी) :-

दि.९ सप्टेंबर २३ शनिवार

शिवसेना उद्धव बाळासाहेब ठाकरे गटाचे प्रमुख उद्धव ठाकरे हे उद्या दि.१० सप्टेंबर रोजी जळगाव शहरात येणार असून त्यांचा दौरा निश्चित करण्यात आला आहे.सूत्रांनी दिलेल्या माहितीनुसार उद्या दि.१० सप्टेंबर रविवार रोजी सकाळी १०.३० वाजता ते जळगावात येणार असून शहरात विविध ठिकाणी कार्यक्रमाचे आयोजन करण्यात आले आहे तर दुपारी २.३० वाजता ते पुन्हा परतणार असल्याचे सूत्रांकडून कळविण्यात आले आहे.

दरम्यान उद्या दि.१० सप्टेंबर रविवार रोजी जळगाव शहर मनपा इमारत आवारात उभारण्यात आलेल्या लोहपुरुष सरदार वल्लभभाई पटेल यांच्या पुतळ्याचे अनावरण तसेच पिंप्राळा येथील छत्रपती शिवाजी महाराजांच्या स्मारकाचे अनावरण करण्यासाठी माजी मुख्यमंत्री उद्धव बाळासाहेब ठाकरे हे उद्या जळगाव जिल्ह्याच्या दौऱ्यावर येत आहेत.याबाबत लोहपुरुष सरदार वल्लभभाई पटेल यांच्या पुतळ्याचे अनावरण तसेच पिंप्राळा येथील छत्रपती शिवाजी महाराजांच्या स्मारकाचे अनावरण करण्यावरून शहरात मोठे राजकारण पेटले असून राजशिष्टाचारचा मुद्दा पुढे केला जात आहे.दरम्यान शिवसेना उद्धव बाळासाहेब ठाकरे गटाचे प्रमुख उद्धव ठाकरे यांचा उद्याचा दौरा निश्चित करण्यात आला असून उद्धव ठाकरे यांच्यासोबत त्यांचे विश्वासू मिलींद नार्वेकर असणार आहेत.दोघे नेते हे उद्या खाजगी विमानाने मुंबईहून निघणार असून १०.३० वाजता जळगाव विमानतळावर पोहचणार आहेत.यावेळी ११ वाजता जळगाव मनपा प्रांगणात लोहपुरुष सरदार वल्लभभाई पटेल यांच्या पुतळ्याचे अनावरण केल्यानंतर दुपारी १२.१५ वाजता पिंप्राळा येथे छत्रपती शिवाजी महाराज स्मारकाचे अनावरण,१२.४५ वाजता कमल विहार सोसायटी पिंप्राळा येथे राखीव वेळ,१ वाजता जाहीर सभा व त्यानंतर २.३० वाजता जळगावहून विमानाने मुंबईच्या दिशेने रवाना होणार आहेत अशी माहिती सूत्रांकडून देण्यात आली आहे.दरम्यान उद्धव ठाकरे काय बोलणार याकडे जिल्हावासियांचे लक्ष लागून आहे.