किनगाव इंग्लिश मिडीयम स्कुलचे जिल्हास्तरीय शालेय रोप मल्लखांब स्पर्धेत यश

यावल-पोलीस नायक (प्रतिनीधी) :-

दि.२३ सप्टेंबर २३ शनिवार

तालुक्यातील किनगाव येथील इंग्लिश मिडीयम निवासी पब्लिक स्कूलच्या विद्यार्थ्यांनी काल दि.२२ सप्टेंबर शुक्रवार रोजी रायसोनी स्कूल जळगाव येथे घेण्यात आलेल्या जिल्हास्तरीय शालेय रोप मल्लखांब स्पर्धेत घवघवीत यश संपादन केले आहे.त्यांच्या या यशाबद्दल त्यांचे विविध स्तरातून कौतुक व अभिनंदन केले जात आहे.

काल दि.२२ सप्टेंबर शुक्रवार रोजी रायसोनी स्कूल जळगाव येथे घेण्यात आलेल्या जिल्हास्तरीय शालेय रोप मल्लखांब स्पर्धेत किनगाव येथील इंग्लिश मिडीयम निवासी पब्लिक स्कूलच्या १४,१७ व १९ वयोगटातील विद्यार्थीनींनी उत्कृष्ठ प्रदर्शन करत विजय संपादन करून विभागीय शालेय रोप मल्लखांब स्पर्धेत आपले स्थान निश्चित केले आहे.यात विशेष म्हणजे या स्पर्धत आदिवासी विद्यार्थीनी आयोजकांचे लक्ष वेधणारी कामगिरी केली आहे.जळगाव येथे दि.२२ सप्टेंबर शुक्रवार रोजी पार पडलेल्या या स्पर्धेत १४ वर्षाखालील वयोगटात दिव्या मेलासिंग बारेला(तृतीय) व अश्विनी शशिकांत बारेला (चतुर्थ) १७ वर्षाखालील वयोगटात पल्लवी सुरसिंग बारेला (प्रथम),स्नेहल पिंटू पावरा (तृतीय) तर रंगीता राहुल बारेला (चतुर्थ) तसेच १९ वर्षाखालील वयोगटात मनिषा प्रेमसिंग बारेला (द्वितीय) व
एंजल तानसिंग बारेला (चतुर्थ) यांनी यश संपादन केले आहे.सदरील खेळाडूंना पुजा शिराेडे,प्रशिक्षक नरेंद्र भाेई व इंग्लिश मिडीयम निवासी पब्लिक स्कूल किनगावचे क्रिडा शिक्षक व यावल तालुका क्रिडा समन्वयक दिलीप बिहारी संगेले यांचे मार्गदर्शन लाभले.विजयी सर्व खेळाडुंचे इंग्लिश मिडीयम निवासी पब्लिक स्कूल किनगावचे चेअरमन विजयकुमार देवचंद पाटील,व्हा.चेअरमन शैलेजाताई विजयकुमार पाटील,सचिव मनिष विजकुमार पाटील,व्यवस्थापक पुनम मनिष पाटील,प्राचार्य अशोक प्रतापसिंग पाटील,उपप्राचार्य राजश्री सुभाष अहिरराव यांच्यासह शिक्षक व शिक्षकेतर कर्मचारी यांनी आपल्या विद्यार्थ्यांचे अभिनंदन करीत पुढील विभागीय स्पर्धेच्या वाटचालीसाठी शुभेच्छा दिल्या आहेत.