यावल येथे गणेश उत्सवानिमित्ताने जे.टी महाजन स्कुलमध्ये सोलो नृत्य स्पर्धा संपन्न

यावल-पोलीस नायक (प्रतिनिधी) :-

दि.२८ सप्टेंबर २३ गुरुवार

येथील व्यास शिक्षण मंडळ संचलित जे.टी महाजन इंग्लिश स्कूलमध्ये गणेश उत्सवानिमित्ताने सोलो नृत्य स्पर्धा कार्यक्रम नुकताच मोठ्या उत्साहाच्या वातावरणात संपन्न झाला.

यानिमित्ताने स्कुलच्या वतीने आयोजित कार्यक्रमाच्या अध्यक्षस्थानी प्राचार्य डॉ.किरण खेट्टे होते तर प्रमुख पाहुणे म्हणून जे.टी महाजन इंग्लिश मीडियम स्कुल सेमीच्या प्राचार्य रंजना महाजन या उपस्थित होत्या.सदरील सोलो नृत्य स्पर्धमध्ये नर्सरी ते दहावीच्या विद्यार्थ्यांनी  भाग घेतला.या कार्यक्रमास नृत्य प्रवेशक व प्रमुख अतिथी म्हणून नृत्य प्रशिक्षक कोरिओग्राफर सुरज भालेराव व सचिन भिडे हे उपस्थित होते.दरम्यान या कार्यक्रमात विद्यार्थ्यांनी विविध गाण्यांवर नृत्य सादर करून आपले कलागुण सादर केले.सदर कार्यक्रमाची रूपेरेषा शाळेतील प्रवेशिका राजश्री लोखंडे व गौरी भिरुड यांच्या संकल्पनेतून आखण्यात आली होती.या कार्यक्रमाचे सूत्रसंचालन शाळेच्या शिक्षिका प्रियंका फेगडे व श्रद्धा बडगुजर यांनी केले तर आभार प्रदर्शन प्रीती भार्गव यांनी केले.प्रसंगी कार्यक्रम यशस्वितेकरिता शाळेतील शिक्षक व शिक्षकेतर कर्मचारी यांचे मोलाचे सहकार्य लाभले.