“…मग भाजपा सरकार महाराष्ट्रात ४५० रुपयांना सिलिंडर देत का नाही?”-नाना पटोले यांचा सवाल

नाना पटोले पुढे म्हणाले की,भाजपाचे मोठे नेतेही ४५० रुपयांमध्ये सिलिंडर देण्याची भाषा करत आहेत.महाराष्ट्रात सध्या भाजपाचेच सरकार आहे मग भाजपा सरकार महाराष्ट्रात ४५० रुपयांना सिलिंडर देत का नाही?महाराष्ट्रातील जनतेने काय पाप केले आहे का? ही सर्व बनवाबनवी असून उज्ज्वला गॅस योजनेत केवळ २० टक्के सिलिंडर रिफील केली जात असून ही योजना फेल गेली आहे.उज्ज्वला योजनेच्या नावाखाली गरिबांना मिळणारे केरोसिन मात्र भाजपा सरकारने बंद केले आहे.नफा कमावणे हे सरकारचे काम नाही परंतु २०१४ पासून सरकार नफा कमावण्याचे काम करत असून जनतेची लूट करून नफा कमावणे हे भयावह असल्याचे नाना पटोले यांनी नमूद केले आहे.