“सातारा लोकसभेची जागा भाजपचाच उमेदवार लढवणार”-आमदार जयकुमार गोरे यांची स्पष्टोक्ती

सातारा-पोलीस नायक (वृत्तसेवा) :-

दि.११ डिसेंबर २३ सोमवार

सातारा लोकसभा मतदारसंघाची जागा भाजपची असून पक्षाचा उमेदवार निवडणूक लढवणार आहे.या मतदारसंघावर राष्ट्रवादी काँग्रेसने दावा केला असला तरी जागा वाटपाची तिन्ही घटक पक्षांमध्ये अद्याप कोणतीही चर्चा झालेली नाही त्यामुळे सातारा लोकसभा मतदारसंघाबाबत अजित पवार यांचे ते वैयक्तिक मत असल्याचे आमदार जयकुमार गोरे यांनी म्हटले आहे.मागील तीन वर्षांपासून पक्ष बांधणी करत असून राज्यस्तरीय आणि केंद्रस्तरीय पक्षनिरीक्षकांचा सातत्याने येथे दौरा सुरू आहे.सध्या आठही विधानसभा मतदारसंघात भाजपचे प्राबल्य वाढले असून भाजप हा सातारा जिल्ह्यातील सर्वात मोठा पक्ष आहे त्यामुळे सातारा लोकसभा मतदारसंघाची जागा भाजपचीच आहे परिणामी कोणत्याही परिस्थितीत सातारा लोकसभेची जागा भाजपचा उमेदवार लढवणार असल्याचे आमदार जयकुमार गोरे यांनी काल दि.१० डिसेंबर रविवार रोजी सातारा येथे पत्रकार परिषद घेत सांगितले आहे.यावेळी भाजपचे जिल्हाध्यक्ष धैर्यशील कदम,जिल्हा सरचिटणीस विठ्ठल बलशेटवार उपस्थित होते.