“..तर स्वप्नातला संजय राऊत काय आहे? हे मी प्रसारमाध्यमांसमोर आणेल”-

ठाकरे गटाचे खासदार संजय राऊत यांनी भाजपा आमदार प्रसाद लाड आणि त्यांच्या कंपनीवर केलेल्या भ्रष्टाचाराचा आरोप केला असून या आरोपानंतर आमदार प्रसाद लाड आक्रमक झाले आहेत.संजय राऊत यांनी माझे किंवा माझ्या कंपनीचे नाव घेतले तर स्वप्नातला संजय राऊत काय आहे? हे मी प्रसारमाध्यमांसमोर आणेन तसेच मी उद्या सकाळपर्यंत माझ्या वकिलांशी बोलून २०० ते ५०० कोटींचा अब्रू नुकसानीचा दावा दाखल करणार आहे असेही प्रसाद लाड म्हणाले.नागपूर येथे प्रसारमाध्यमांशी संवाद साधतांना प्रसाद लाड म्हणाले की,शिवसेना खासदार संजय राऊतांची पत्रकार परिषद ऐकली तसेच काही पत्रकारांच्या माध्यमातून मला माहिती मिळाली की,संजय राऊत सातत्याने माझा आणि माझ्या कंपनीचा उल्लेख करत आहे.प्रसाद लाड आणि क्रिस्टल कंपनीचा १ हजार कोटींचा भ्रष्टाचार वगैरे.संजय राऊतांच्या संसदीय भाषेत बोलायचे झाले तर संजय राऊत *** झालाय.ज्या गोष्टीचा काही संबंध नाही ज्याला कसल्याही माहितीचा आधार नाही.कशामध्ये नाव घ्यायचे ? कशात नाही घ्यायचे ? हे कळत नाही.अशा माणसाला हीच संसदीय भाषा वापरली पाहिजे अशी तिखट प्रतिक्रिया प्रसाद लाड यांनी दिली आहे.