“मंत्रीपद हा विषय मी माझ्या डोक्यातून कधीच काढून टाकला आहे”-मंत्रिमंडळ विस्तार चर्चेवरून बच्चू कडू यांचे विधान

महाराष्ट्र विधिमंडळाच्या मागील अधिवेशनानंतर राज्य सरकारचा मंत्रीमंडळ विस्तार होईल असे बोलले जात होते मात्र मंत्रीमंडळ विस्तार झाला नाही त्यामुळे सध्या नागपूर येथे सुरू असलेल्या हिवाळी अधिवेशनानंतर मंत्रीमंडळ विस्तार होईल असा दावा राजकीय वर्तुळातून केला जात आहे याबाबत विचारले असता प्रहार जनशक्ती संघटनेचे अध्यक्ष बच्चू कडू यांनी प्रतिक्रिया दिली असून मंत्रीपद मिळाले तरी घेणार नाही. मंत्रीपदाच्या शपथीचा कागद फाडून टाकेन असे मोठे विधान बच्चू कडू यांनी केले आहे.हिवाळी अधिवेशनानंतर मंत्रीमंडळ विस्तार होईल असे तुम्हाला वाटते का? असे विचारले असता बच्चू कडू म्हणाले की,मी मंत्रिपदाचा दावाच नाकारला आहे त्यामुळे हा प्रश्न तुम्ही भरत गोगावलेंना किंवा संजय शिरसाटांना विचारला पाहिजे.मी आता दावाच सोडला आहे तर मंत्रीमंडळ विस्ताराबाबत मला कशाला विचारता?मंत्रीपद हा विषय मी माझ्या डोक्यातून कधीच काढून टाकला आहे.