“देश व महाराष्ट्राची लूट तसेच एकाच उद्योगपतीची भरभराट यासाठी केंद्र व राज्यातले सरकार झिजते आहे”-सामनातून हल्लाबोल

मुंबई-पोलीस नायक (वृत्तसेवा)

दि.५ जानेवारी २३ शुक्रवार

हिंडेनबर्ग रिसर्चच्या अहवालावरून गौतम अदाणी व त्यांचा अदाणी उद्योग समूह अडचणीत आला असतांना समभागांच्या विक्रीमध्ये आर्थिक गैरव्यवहार केल्याचा आरोप हिंडेनबर्गने ठेवला होता.मात्र सर्वोच्च न्यायालयाने या प्रकरणाची विशेष तपास यंत्रणेकडून चौकशी करण्याची मागणी फेटाळून लावली त्यामुळे अदाणींबाबत सेबीकडूनच योग्य तो तपास होणार असे न्यायालयाने स्पष्ट केले.या पार्श्वभूमीवर एकीकडे अदाणींनी सत्याचा विजय झाल्याची प्रतिक्रिया दिली असतांना दुसरीकडे विरोधकांनी त्यावरून मोदी सरकारला व भाजपाला लक्ष्य केले आहे. ठाकरे गटाने यासंदर्भात टीका करतांना राज्यातील शिंदे-फडणवीस-पवार सरकारवर टीकास्र सोडले आहे.अदाणींच्या बाबतीतच अलीकडे सत्याचा विजय होतो व इतरांच्या बाबतीत सत्य भूमिगत होते हे असे का व्हावे? देशातील सार्वजनिक उपक्रम,जंगले,जमिनी अदाणी यांना देण्यात आल्या.इलेक्शन कमिशन,केंद्रीय तपास यंत्रणांचेही एकप्रकारे खासगीकरण झाल्याने मोदी-शहा ज्यांच्याकडे बोट दाखवतील त्यांना अपराधी ठरवून तुरुंगात डांबले जाते परंतु अदाणी यांच्याबाबतीत व्यवहारांचा इतका गदारोळ उठूनही सर्व यंत्रणा डोळेझाक करून बसल्या आहेत असा आरोप सामना अग्रलेखातून करण्यात आला आहे.