“जाणीवपूर्वक मराठा-ओबीसी वाद कायम राहावा व महाराष्ट्र एकसंध राहू नये यासाठी काही राजकीय पक्ष,समाजमाध्यमे,वाहिन्या आणि अन्य काही मंडळी काम करत आहेत !!”

शंभराव्या अखिल भारतीय नाटय़संमेलनामध्ये ‘नाटक आणि मी’ या विषयावर राज यांची मुलाखत झाली.दीपक करंजीकर यांनी त्यांची मुलाखत घेतली.केवळ सुशिक्षित असून चालत नाही तर सुज्ञपणा हवा.महाराष्ट्राला सुज्ञ नागरिकांची गरज आहे त्यादृष्टीने मध्यमवर्गीयांनी राजकारण, समाजकारण आणि विविध संस्थांमध्ये आले पाहिजे मात्र या स्तरावर महाराष्ट्र चाचपडतो आहे.देशासाठी दिशादर्शक असलेल्या महाराष्ट्रासाठी ही बाब योग्य नाही अशी खंतही त्यांनी व्यक्त केली.राज ठाकरे म्हणाले की,निवडणूक लढविण्याची लाज वाटते.स्वातंत्र्यानंतर १९५२ मध्ये पहिली निवडणूक झाली,गेल्या ७० वर्षांत पाणी,रस्ते,आरोग्य,शिक्षण याच मुद्दय़ांवर निवडणुका लढविल्या जात आहेत याला प्रगती म्हणता येणार नाही.जातीपातीमध्ये लोकांना अडकविले जात आहे.हे लोण आता नाटक-चित्रपटातही येत आहे.जातीपातीमध्ये आपण एवढे गुंतलो आहोत की आपली संस्कृती,परंपरा आणि आपल्या माध्यमांचा विसर पडला आहे हि मोठी शोचनीय बाब असल्याचे त्यांनी यावेळी नमूद केले आहे.