“राहुल गांधींच्या पाठीत खंजीर खुपसला”-अशोक चव्हाण यांच्या राजीनाम्यावर काँग्रेस नेते विलास मुत्तेमवार यांची टीका

मुंबई-पोलीस नायक (वृत्तसेवा) :-

दि.१३ फेब्रुवारी २४ मंगळवार

अशोक चव्हाण यांचा निर्णय धक्कादायक,दुर्दैवी आणि अन्यायकारक असून अन्यायकारक यासाठी कारण जे इमानदार आणि निष्ठावान कार्यकर्ते आहेत त्यांना याचे दुःख वाटते.काँग्रेस पक्षाचे नेते राहुल गांधी पक्षाला उभारी देण्यासाठी अहोरात्र मेहनत घेत आहेत अशावेळी त्यांच्या पाठीत खंजीर खुपसण्याचे काम यानिमित्ताने झाले आहे.अशोक चव्हाण यांना चौकटीबाहेर जाऊन आजवर अनेक पदे दिली गेली.पक्षाने त्यांना मोठे केले असे एकही पद नाही जे अशोक चव्हाण यांना मिळाले नाही व आता ते कार्यकारी समितीचे अध्यक्षही आहेत अशावेळी अशोक चव्हाण यांनी जाणे हे दुर्दैव आहे अशी टीका काँग्रेसचे ज्येष्ठ नेते आणि माजी खासदार विलास मुत्तेमवार यांनी केली आहे.विलास मुत्तेमवार यांनी टीव्ही ९ वृत्तवाहिनीशी संवाद साधत असतांना अशोक चव्हाण यांच्यावर जोरदार टीका केली असून २००८ साली विलासराव देशमुख यांच्यानंतर वरिष्ठांना डावलून अशोक चव्हाण यांना मुख्यमंत्रीपद दिले गेले त्यावेळी त्यांचे वय अवघे ४२ एवढे होते.मुख्यमंत्री,प्रदेशाध्यक्ष,विरोधी पक्षनेता अशी अनेक पदे चव्हाणांना दिली तसेच त्यांचे वडील दोनदा राज्याचे मुख्यमंत्री झाले होते व केंद्रातही त्यांनी अनेक पदे भूषविली होती हे सर्व ते कसे काय विसरू शकतात? ज्या कुटुंबाला एवढे सर्व दिले त्याच कुटुंबाने असे करावे यामुळे अनेक कार्यकर्ते दुःखी झाले आहेत.सामान्य कार्यकर्ते नेत्यांच्या एका शब्दावर लाठ्या खातात.केसेस अंगावर घेतात त्या कार्यकर्त्यांसमोर यांचा त्याग काहीच नाही असे टीकास्र मुत्तेमवार यांनी सोडले.