“बाळासाहेब ठाकरेंच्या नावाला वगळून तुम्ही शिवसैनिक होऊन दावा रं…हे गाणे शिवतीर्थ मंचावरुन रिलीज होणार !

मुंबई-पोलीस नायक(वृत्तसेवा):-स्वरसम्राट प्रल्हाद शिंदे यांचे सुपुत्र आनंद शिंदे यांनी ४ दशकांपासून त्यांच्या आवाजाने महाराष्ट्राच्या कानाकोपऱ्यात व घराघरात लोकगीते व भीमगीते पोहोचली त्याच आनंद शिंदे यांनी शिंदे गटावर हल्लाबोल करणारे गीत गायले आहे. शिवसेनेत उभी फूट पडल्यानंतरचा हा पहिलाच दसरा मेळावा होत आहे.ठाकरे-शिंदे यांच्यातला संघर्ष टोकाला पोहोचलेला असताना तसेच   एकमेकांना जाहीर मंचावरुन आव्हान देत असताना आता नेत्यांच्या भाषणाआधी शिवसेनेशी झालेला धोका गीतामधून मांडण्याची जबाबदारी आनंद शिंदे यांच्यावर असणार आहे.”बाळासाहेब ठाकरेंच्या नावाला वगळून तुम्ही शिवसैनिक होऊन दावा रं…” असे गीताचे बोल आहेत. उद्या शिवतीर्थावर हे गाने रिलीज केले जाईल.मागील आठवड्यात गायक आनंद शिंदे यांनी शिवसेना पक्षप्रमुख उद्धव ठाकरे यांची मातोश्रीवर जाऊन भेट घेतली होती.या भेटीत शिवसेनेवर ओढावलेला बाका प्रसंग आणि बाळासाहेब ठाकरे यांना हायजॅक करण्याचा एकनाथ शिंदे गटाचा प्रयत्न,यावर खास करुन गाण्यांमधून आसूड ओढला जावा अशी सूचना उद्धव ठाकरे यांनी आनंद शिंदे यांना केली होती.त्याप्रमाणे गीत लिहून झाल्यावर आनंद शिंदे यांनी उद्धव ठाकरे शब्द आणि गाण्याची चाल ऐकवली.उद्धव ठाकरे यांनाही गाणं प्रचंड आवडले.दसऱ्याच्या दिवशी शिवतीर्थावरच्या मंचावरुनच गाने रिलीज केले जाईल असा प्लॅन झाला आहे.तत्पूर्वी आज गाण्याचा टीजर समोर आलेला आहे त्यामधून एकनाथ शिंदे यांना आव्हान देण्यात आलेले आहे.
एकनाथ शिंदे सातत्याने बाळासाहेब ठाकरे यांच्या विचारांचा मी वैचारिक वारसदार असल्याचे सांगत आहेत.बाळासाहेबांच्या हिंदुत्वाचा विचार सांगत ठाकरेंनी गेल्या २ वर्षात बाळासाहेबांच्या विचाराला कसा फाटा देण्याचे काम केले  हे शिंदे वारंवार सांगत आहेत.याच पार्श्वभूमीवर बाळासाहेब ठाकरे यांना यांच्यावर बेतलेले गीत तयार करुन समग्र बाळासाहेब सांगण्याचा आणि त्यामधून एकनाथ शिंदे यांना प्रत्युत्तर देण्याचा उद्धव ठाकरे यांचा प्रयत्न आहे.त्यांच्या या प्रयत्नाला आनंद शिंदे स्वररुपी साथ देणार आहेत.शिवसेनेत ऐतिहासिक फूट पडल्यानंतरचा हा पहिलाच दसरा मेळावा संपन्न होतोय.शिवतीर्थावर जय्यत तयारी सुरु आहे.गावोगावचा शिवसैनिक मेळाव्यासाठी अहोरात्र मेहनत करतोय.यंदा निष्ठेची ताकद दाखवायची या इर्षेने शिवसैनिक कार्य करत आहेत.जागोजागी भव्य होर्डिंग्ज लागले आहेत.शिवसेनेच्या प्रत्येक शाखेमध्ये मेळाव्याची लगबग सुरु आहे.शिवसेनेच्या ऐतिहासिक दसरा मेळाव्याचा साक्षीदार होण्यासाठी शिवसैनिक सकाळपासूनच शिवतीर्थावर गर्दी करतील.कदाचित शिवसेनेच्या इतिहासातील उद्याचा दसरा मेळावा आजपर्यंतचे सगळे रेकॉर्ड ब्रेक करेल असा अंदाज शिवसेना नेते बांधत आहेत.