“मनोज जरांगे पाटील यांच्या जीवाला धोका”-वंचित बहुजन आघाडी प्रमुख प्रकाश आंबेडकर यांचा अप्रत्यक्ष इशारा

अकोला-पोलीस नायक (वृत्तसेवा) :-

दि.१७ फेब्रुवारी २४ शनिवार

कुणबी नोंदी नसलेल्या मराठ्यांना वेगळे मराठा आरक्षण देऊ अशी घोषणा राज्य सरकारने केली आहे परंतु मनोज जरांगे नोंदी असलेल्यांना आणि शपथपत्रासह सगेसोयऱ्यांना कुणबी जातप्रमाणपत्र देण्याच्या मगणीवर ठाम आहेत त्यामुळेच ते पुन्हा एकदा बेमुदत उपोषणाला बसले आहेत परंतु जरांगे पाटील यांची तब्येत दिवसेंदिवस ढासळू लागली आहे.दोन दिवसांपूर्वी त्यांच्या नाकातून रक्त येत होते तसेच त्यांना पोटदुखीचा त्रास होत होता व त्यांना बसून नीट बोलता येत नसून त्यांच्यावर उपचार करण्यासाठी डॉक्टरांचे एक पथक उपोषणस्थळी उपस्थित आहे परंतु जरांगे पाटील उपचार घेण्यासही तयार नाहीत.आंदोलकांच्या आग्रहानंतर त्यांनी सलाईन लावून घेतली आहे.अशातच मनोज जरांगे यांच्या जीवाला धोका असल्याचा अप्रत्यक्ष इशारा वंचित बहुजन आघाडीचे प्रमुख प्रकाश आंबेडकर यांनी दिला आहे.प्रकाश आंबेडकर यांनी काही वेळापूर्वी अकोला येथे प्रसारमाध्यमांशी संवाद साधला.यावेळी ते म्हणाले,मनोज जरांगे यांचे आंदोलन ज्या पद्धतीने चालू आहे त्या आंदोलनामुळे अनेकजणांना धक्का लागण्याची शक्यता आहे त्या धक्यामुळे बरेचजण धास्तावले आहेत.निजामी मराठ्यांच्या राजकारण विरोधात जरांगे पाटील यांनी अत्यंत आक्रमक पाऊल उचलले आहे हे स्पष्ट झाले आहे त्यांमुळे त्यांना जी औषधी दिली जात आहेत,जी सलाईन, जेवण आणि ज्युस (फळांचा रस) दिला जात आहे या सगळ्या गोष्टी तपासायला हव्यात त्यानंतरच त्यांनी त्याचे सेवन करावे.शासन ही व्यवस्था करेल अशी अपेक्षा मी बाळगतो असे प्रकाश आंबेडकर यांनी म्हटले आहे.