पुत्र खासदार श्रीकांत शिंदे यांचे दमदार भाषण ऐकतांना वडील एकनाथ शिंदेंच्या डोळ्यांत अश्रू

कोल्हापूर-पोलीस नायक (वृत्तसेवा) :-

दि.१७ फेब्रुवारी २४ शनिवार

शिवसेना हे नाव आणि पक्षचिन्ह धनुष्यबाण हे एकनाथ शिंदेंना मिळाल्यानंतर शिवसेनेचे अधिवेशन कोल्हापूरमध्ये पार पडले.मुख्यमंत्री एकनाथ शिंदेंच्या नेतृत्वातले हे पहिलेच अधिवेशन असून यावेळी एकनाथ शिंदे यांचे पुत्र खासदार श्रीकांत शिंदे यांनी दमदार भाषण केले हे भाषण ऐकून मुख्यमंत्री एकनाथ शिंदे भावूक झाल्याचे पाहण्यास मिळाले त्याबद्दल त्यांनी एक पोस्ट लिहिली व आपल्या मनातल्या भावना व्यक्त केल्या आहेत.”सगळा प्रवास झरकन डोळ्यांसमोरून निघून गेला.त्यांचे भाषण जसे संपले तसे आम्ही दोघेही मनातून मोकळे झालो.नकळत त्याच्याही आणि माझ्याही डोळ्यात अश्रू अनावर झाले.आमच्यासह आमचे शिवसेना हे कुटुंबही पुरते हेलावून गेले.यावेळी माझ्या प्रत्येक सुख दुःखात सोबत असलेले माझे कुटुंबीय माझे शिवसैनिक हेच या क्षणांचे सोबती होते.” शिवसेना हेच माझे सर्वस्व होते,शिवसैनिक हेच माझे कुटुंब होते.आयुष्यभर मी त्यांच्यासाठी काम केले पुढे काय होईल याची मला अजिबात कल्पना नव्हती,नेहमी पुढचा विचार करणाऱ्या माझ्या मनाने मागे वळून कधी पाहिले नव्हते पण आज श्रीकांतच्या मुखातून निघालेल्या शब्दांमधून मला माझा काल दिसला असे म्हणत मुख्यमंत्री एकनाथ शिंदे यांनी त्यांच्या शब्दांतून आपल्या भावनांना वाट करुन दिली.