“हिंमत असेल तर मुख्यमंत्री पदाचा राजीनामा द्या,मी तुमच्या मतदारसंघातून निवडणूक लढविण्यास तयार”!! आदित्य ठाकरे यांचे मुख्यमंत्र्यांना आव्हान

मुंबई-पोलीस नायक (वृत्तसेवा) :-

दि.१९ फेब्रुवारी २४ सोमवार

सर्वेक्षणात आपण पहिल्या क्रमांकावर असल्यामुळे महापालिकांच्या निवडणुका घेण्याची हिमंत दाखवित नाहीत.हिमंत असेल तर मुख्यमंत्री पदाचा राजीनामा द्या,मी तुमच्या मतदारसंघातून लढायला तयार आहे असे आव्हान ठाकरे गटाचे नेते आदित्य ठाकरे यांनी मुख्यमंत्री एकनाथ शिंदे यांना दिले आहे.मला पद नकोय,मी माझ्या महाराष्ट्रासाठी लढतो आहे असेही ते म्हणाले.आदित्य ठाकरे हे काल रविवारी सायंकाळी शाखा भेटी देण्यासाठी ठाण्यात आले होते यावेळी ते बोलत होते.आदित्य ठाकरे म्हणाले,ठाण्यात येतो तेव्हा जुन्या आठवणी येतात.ठाणेकरांनी खूप प्रेम दिलंय,गद्दार गेले पण ठाणे शिवसेनेचे राहिले आहे.सध्या खोटे बोला पण रडून बोला अशी नवी फॅशन झाली असून रडायचे आणि जे पाहिजे ते मिळवायचे असे अनेकवेळा मी पाहिले आहे.काल देखील ते रडले.तुम्ही शिवसैनिक म्हणून अपयशी ठरलात पण माणूस म्हणून पण अपयशी ठरलात असा थेट आरोप त्यांनी एकनाथ शिंदे यांच्यावर केला.भाजप आत टाकेल म्हणून २० मे २०२२ ला तुम्ही रडले होते असेही ते म्हणाले.ज्या व्यक्तीने तुम्हाला सर्व दिले.त्या व्यक्तीचे वडिल,पक्ष चोरण्याचा प्रयत्न तुम्ही केला.तुमच्या डोक्यावरचा गद्दारीचा शिक्का पुसला जाणार नाही असेही आदित्य ठाकरे म्हणाले.