“काही कुठे येणार नाही आणि जाणार नाही”-भाजपा प्रवेशाच्या चर्चांवर जयंत पाटील यांनी सोडले मौन

मुंबई-पोलीस नायक (वृत्तसेवा) :-

दि.१९ फेब्रुवारी २४ सोमवार

आज सकाळ पासूनच पश्चिम महाराष्ट्रातला एक बडा नेता भाजपात जाणार अशी चर्चा रंगली असून भाजपा शरद पवार गटाला आणखी एक धक्का देणार असेही बोलले जात आहे तसेच हे नाव दुसऱ्या तिसऱ्या कुणाचे नसून जयंत पाटील यांचे आहे.जयंत पाटील यांच्या भाजपा प्रवेशाची चर्चा आज सकाळपासून रंगली आहे.या सगळ्या चर्चांवर दस्तुरखुद्द जयंत पाटील यांनी मौन सोडले आहे.लोकसभा निवडणूक कधीही जाहीर होऊ शकते अशी स्थिती आहे.या निवडणुकीच्या तोंडावर देशपातळीवर भाजपात आणि एनडीएत इनकमिंग वाढले आहे तर महाराष्ट्रात महायुतीमध्ये लोक मोठ्या प्रमाणावर येत आहेत.काही दिवसांपूर्वीच अशोक चव्हाण यांनी भाजपाचा झेंडा हाती घेतला.मिलिंद देवरा एकनाथ शिंदेंच्या शिवसेनेत गेले तर बाबा सिद्दीकी हे अजित पवारांच्या राष्ट्रवादीबरोबर गेले.काँग्रेसचे दिग्गज समजले जाणारे हे नेते महायुतीत गेले. आता आज सकाळपासूनच जयंत पाटील भाजपात जाणार असल्याची चर्चा आहे यावर भाजपाचे प्रदेशाध्यक्ष चंद्रशेखर बावनकुळे यांनीही वक्तव्य केले आहे.पंतप्रधान नरेंद्र मोदी यांनी देशाला विकासाची गॅरंटी दिली आहे.मोदींची गॅरंटी आणि आत्मनिर्भर भारत संकल्पाला साथ देण्यासाठी अनेक लोक आमच्याकडे येण्याची तयारी करत आहेत.काहीजण तयारीत आहेत परंतु तुम्हा पत्रकारांकडे असलेली माहिती माझ्याकडे नाही परंतु कधीही काहीही होऊ शकते.मोदींना साथ देण्यासाठी कोणीही आमच्याकडे येऊ शकते असे बावनकुळे यांनी नमूद केले आहे.