“मी कोणत्याही चौकशीला सामोरे जायला तयार..मी कोठेच गुंतू शकत नाही..मला कोणाचाही पाठिंबा नाही”

“मी कोठेही जायला तयार आहे.अरे तुम्ही कोणतीही चौकशी करा.मी कोणत्याही चौकशीला सामोरे जायला तयार आहे.मी भेकड असतो तर गप्प बसलो असतो.मी कोठेच गुंतू शकत नाही.मला कोणाचाही पाठिंबा नाही.मला कोणीही पैसे दिलेले नाहीत.मला कोणीही फोन केलेला नाही.तुम्ही एसआयटी चौकशी करणार असाल तर तुमचेच मला आलेले फोन बाहेर येतील.त्यांनी मला अनेकवेळा कॉल केलेले आहेत मग मी पण ते कॉल बाहेर काढतो.होऊन जाऊ द्या मग.कर नाही त्याला डर कशाला पाहिजे.माझ्यासाठी जात हे दैवत आहे.मला तुम्ही आता बोलावले तरी मी सलाईन हातात घेऊन चौकशीसाठी येईल अशी भूमिका जरांगे यांनी घेतली आहे.मला माहिती आहे मी निर्दोष आहे.माझ्याविरोधात काहीच सापडू शकत नाही.मला कोणत्याही नेत्याचा पाठिंबा नाही.माझ्या स्वागतासाठी मराठा समाजाने जेसीबी लावलेल्या आहेत.मराठा समाज एवढा कमजोर आहे का ? कष्ट करतो त्यामुळे काहीही अडचण नाही असे देखील विधान जरांगे यांनी केले आहे.एसआयटी चौकशी करणार असाल तर सर्व चौकशी करा.पोलिसांचीही चौकशी केली पाहिजे.अगोदर हल्ला कोणी केला हेही तपासा.हल्ल्याचा आदेश देणाऱ्या मंत्र्यांचीही चौकशी करा.गिरीश महाजन यांनी कॉल केला होता ती रेकॉर्डिंग बाहेर काढा मग गृहमंत्र्यांपर्यंत सगळेच गुंतून जातील असा दावा जरांगे पाटील यांनी केला आहे.