“गद्दारांच्या देशा,गुंडांच्या देशा,लाचारांच्या देशा ही आता महाराष्ट्राची ओळख होत चालली आहे”

 मुंबई-पोलीस नायक (वृत्तसेवा) :-

दि.२८ फेब्रुवारी २४ बुधवार

५० खोके देऊन भाषेचे आणि संस्काराचे धन विकत घेता येत नाही.सध्या जे काही सुरु असून राजकारणी म्हणा किंवा आणखी कुणी म्हणा कुसुमाग्रजांची नाव घेण्याची पात्रता आहे का ? सध्याच्या घडीला भाषा विचित्र होत चालली आहे.सध्या तर अनेकांना मराठी भाषेचा शब्दकोष हाती घेण्याची वेळ आली आहे असे माजी मुख्यमंत्री उद्धव ठाकरेंनी म्हटले आहे.मराठी भाषा दिवसानिमित्त एक खास कार्यक्रम बिर्ला मातोश्री सभागृहात आयोजित करण्यात आला होता त्यावेळी उद्धव ठाकरेंनी हे वक्तव्य केले आहे.सध्या काही चांगले वाचायला,ऐकायला मिळत नाही. टीव्ही लावला की काही प्रतिक्रिया चांगल्या असतात बाकी सगळ्याबाबत काय बोलायचे ? बोलतांना लोक चांगले बोलून जातात.प्रत्यक्ष कृतीत मात्र भलतेच काहीतरी करतात.सत्तेसाठी जे काही चालले आहे ते पाहून काय बोलावे ? मूँह मे राम और बगलमें ईडी ही जी काय अवस्था आहे त्यात मी तर म्हणेन की ईडी यांची घरगडी झाली आहे.धाकदपटशा दाखवून सत्ता लुटायची आहे.चंदीगडचा निकाल सर्वोच्च न्यायालयाने दिला ते बरे झाले.आमचीही अपेक्षा आहे की सर्वोच्च न्यायालयाने या घटनाबाह्य सरकारची हवा काढून त्यांना रस्त्यावर आणावे अशी अपेक्षा उद्धव ठाकरेंनी व्यक्त केली आहे.