“पंतप्रधान नरेंद्र मोदी आज यवतमाळच्या दौऱ्यावर;सभेतील खुर्च्यांवर राहुल गांधींचा फोटो चर्चेत

पंतप्रधानांच्या कार्यक्रमानिमित्त बुधवारी यवतमाळ शहरालगतच्या अनेक मार्गात बदल करण्यात आला आहे त्यामुळे परिक्षार्थींसह बारावीच्या विद्यार्थ्यांची मोठी गैरसोय होणार आहे.आज राज्य शासनाच्या अन्न,नागरी पुरवठा व ग्राहक संरक्षण विभागांतर्गत पुरवठा निरीक्षक व उच्चस्तर लिपिक या गट-क संवर्गातील पदांसाठी परीक्षा घेण्यात येत आहे.परिक्षार्थ्यांनी बदललेल्या मार्गाची नोंद घेऊन वेळेवर परिक्षेस पोहोचावे असे आवाहन प्रशासनाने केले आहे.पंतप्रधानांच्या सभेला जिल्ह्यातून महिला उपस्थित राहणार असून महिला मेळाव्यात किमान दोन लाख महिला उपस्थित राहण्याचा अंदाज आहे त्यादृष्टीने प्रशासनाने नियोजन केले आहे.विदर्भातील बहुतांश आगारातील बसेस मंगळवारीच यवतमाळ जिल्ह्यातील खेडोपाडी पोहोचल्या आहेत.या प्रत्येक गावातून लोकसंख्येनुसार बसेसची व्यवस्था करण्यात आली आहे.प्रत्येक बसवर शिक्षक, ग्रामसेवक,तलाठी आदींची ड्युटी लावण्यात आली आहे त्यामुळे आज जिल्ह्यातील अनेक एक शिक्षकी शाळांना दुपारनंतर सुट्टी देण्यात आली तर उद्या बुधवारीही या शाळा शिक्षका अभावी बंद राहणार आहेत.बसेस मोदींच्या सभेसाठी व्यस्त राहणार असल्याने बारावीतील परीक्षार्थींसह महाविद्यालयीन विद्यार्थ्यांचीही गैरसोय होणार आहे.