लोकसभा निवडणुकीच्या पार्श्वभूमीवर भाजपा उमेदवारांची दुसरी यादी जाहीर

नवी दिल्ली-पोलीस नायक (वृत्तसेवा) :-

दि.१४ मार्च २४ गुरुवार

निवडणूक आयोग लवकरच देशातल्या सार्वत्रिक निवडणुकीच्या तारखा जाहीर करू शकतो या पार्श्वभूमीवर देशभरातील विविध राजकीय पक्षांनी निवडणुकीची तयारी सुरू केली असून वेगवेगळे पक्ष त्यांच्या लोकसभा उमेदवारांच्या याद्या जाहीर करू लागले आहेत.गेल्या आठवड्यात भारतीय जनता पार्टीने त्यांच्या लोकसभा उमेदवारांची पहिली यादी जाहीर केली होती याद्वारे भाजपाने १९५ उमेदवारांच्या नावांची घोषणा केली त्यापाठोपाठ भाजपाने आता त्यांची दुसरी यादी जाहीर केली आहे.भाजपाने पहिल्या यादीत महाराष्ट्राच्या एकाही उमेदवाराचे नाव जाहीर केले नव्हते त्यामुळे महाराष्ट्रातील जनतेला भाजपाच्या उमेदवारांची नावे जाणून घेण्याची उत्सुकता होती अशातच भाजपाने आज त्यांच्या उमेदवारांची दुसरी यादी जाहीर केली आहे.भाजपाने जाहीर केलेल्या उमेदवारांच्या यादीनुसार हिना गावित यांना नंदुरबार,सुभाष भामरे-धुळे, स्मिता वाघ-जळगाव,रक्षा खडसे-रावेर,अनुप धोत्रे-अकोला,रामदास तडस-वर्धा,नितीन गडकरी-नागपूर,सुधीर मुनगंटीवार-चंद्रपूर,प्रतापराव चिखलीकर-नांदेड,रावसाहेब दानवे-जालना,भारती पवार-दिंडोरी,कपिल पाटील-भिवंडी, पियूष गोयल-उत्तर मुंबई,मिहिर कोटेचा-मुंबई उत्तर पूर्व,मुरलीधर मोहोळ-पुणे,सुजय विखे पाटील-अहमदनगर,पंकजा मुंडे-बीड,सुधाकर श्रृंगारे-लातूर,रणजीत सिंह नाईक निंबाळकर-माढा आणि संजयकाका पाटील यांना सांगलीतून लोकसभेचे तिकीट देण्यात आले आहे.