नवी दिल्ली-पोलीस नायक (वृत्तसेवा) :-
दि.२२ एप्रिल २४ सोमवार
दिल्ली सरकारच्या मद्य धोरण घोटाळ्याप्रकरणी तिहार तुरुंगात न्यायालयीन कोठडी भोगत असलेले दिल्लीचे मुख्यमंत्री अरविंद केजरीवाल यांच्या तब्येतीवरून,डाएटवरून सध्या मोठा गोंधळ चालू आहे.एका बाजूला आप नेते आरोप करत आहेत की,अरविंद केजरीवाल यांचा तुरुंगात छळ होत आहे व त्यांना त्यांचे कुटुंबीय आणि इतर सहकाऱ्यांना समोरासमोर भेटू दिले जात नाही.त्यांना उच्च मधुमेहाचा (हाय डायबिटीस) त्रास असून तुरुंगात रवानगी झाल्यापासून केजरीवाल यांचे वजनदेखील झपाट्याने कमी होत आहे तसेच त्यांना औषधीदेखील दिली जात नसल्याचा आरोप आपने केला आहे.या सगळ्या चर्चा होत असतांनाच दिल्लीचे मुख्यमंत्री अरविंद केजरीवाल यांनी तुरुंग अधीक्षकांना पत्र लिहिले आहे.आजच्या वर्तमानपत्रात तुम्ही जी प्रतिक्रिया दिली ती वाचली ती प्रतिक्रिया वाचून मला वाईट वाटले.तिहार तुरुंग प्रशासनाचे पहिले वक्तव्य-अरविंद केजरीवाल यांनी कधीही इन्शुलिनचा मुद्दा उपस्थित केला नाही मात्र हे संपूर्णपणे खोटे आहे.मी दहा दिवस काय रोज हा मुद्दा उपस्थित करतो की माझ्य इन्शुलिनची आठवण मी रोज करतो आहे.डॉक्टर बघायला आले की मी त्यांना सांगतो माझी शुगर लेव्हल वाढली आहे.मी त्यांना ग्लुको मीटरवरचे रिडिंग बघा.माझी शुगर वाढली आहे.मी ग्लुको मीटरही डॉक्टरांना दाखवले.माझी शुगर लेव्हल २५० ते ३२० पर्यंत वाढली आहे तर फास्टिंग शुगर १६० ते २०० च्या पातळीवर जाते आहे असे त्यांनी नमूद केले आहे.
मी रोज इन्शुलिन द्या अशी मागणी केली आहे तरीही मी तुम्ही असे खोटे वक्तव्य कसे काय करु शकता ? तुम्ही हे कसे म्हणू शकता की मी इन्शुलिनचा मुद्दा उपस्थितच केला नाही.तिहार तुरुंग प्रशासनाचे दुसरे वक्तव्य म्हणजे AIIMS च्या डॉक्टरांनी सांगितले की चिंतेचा काही विषय नाही.अरविंद केजरीवाल म्हणाले हा दावाही खोटा आहे. AIIMS च्या डॉक्टारांनी असे कुठलेच आश्वासन दिलेले नाही.त्यांनी माझ्याकडे माझ्या शुगर लेव्हलचा डेटा मागितला त्यानंतर सांगितले की डाटा पाहिल्यावर आम्ही आमचे मत देऊ.मला अत्यंत दुःख वाटते आहे की राजकीय दबावाखाली येऊन तुरुंग अधीक्षक खोट्या गोष्टी सांगत आहेत.मला आशा आहे की तुम्ही कायद्याचे पालन कराल असे केजरीवाल यांनी म्हटले आहे.मागच्या आठवड्यात सुनावणीवेळी ईडीने न्यायालयासमोर म्हटले होते की,केजरीवाल तुरुंगात असे पदार्थ खात आहेत जे टाईप टू डायबिटीस असलेल्या रुग्णासाठी धोकादायक आहेत.ते दररोज गोड चहा पित आहेत,मिठाई खात आहेत.ईडीने केजरीवाल यांचा तुरुंगातील १७ दिवसांचा डाएट चार्टदेखील जारी केला होता आता या पत्रावर काही उत्तर त्यांना दिले जाणार का ? हे पाहणे महत्त्वाचे असणार आहे.
