पुढे बोलताना जितेंद्र आव्हाड म्हणाले की,बारामतीमध्ये अजित पवार यांनी जे भाषण केले त्यातही अशाच प्रकारचा उल्लेख होता.‘यांचे शेवटचे भाषण कधी होणार हेच कळत नाही असे ते म्हणाले होते.मोदीही असेच काही बोलून गेले.ते पवारसाहेबांच्या मृत्युची वाट पाहत नाहीत ना ? पवारसाहेब यांना एवढे घाबरायचे कारण काय ? असा प्रश्नाही त्यांनी उपस्थित केला.अजित पवारांच्या राष्ट्रवादीला मोदींचे विधान पटते का ? याचे स्पष्टीकरण त्यांनी द्यावे.मराठी माणसे ‘भटकता आत्मा’ कशाला म्हणतात हे मतदानात दाखवून देतील असेही ते म्हणाले.पंतप्रधान मोदी यांनी शरद पवारांचे नाव न घेता त्यांचा अतृप्त आत्मा असा उल्लेख केला होता.आपल्याकडे म्हणतात काही अतृप्त आत्मा असतात व त्यांची स्वप्न पूर्ण झाली नाही ते दुसऱ्याच्या स्वप्नांमध्येही माती कालवतात.४५ वर्षांपूर्वी इथल्या एका बड्या नेत्याने आपल्या महत्त्वाकांक्षेसाठी या खेळाची सुरुवात केली तेव्हापासून महाराष्ट्रात अस्थिरता आली.अनेक मुख्यमंत्री त्यांचा कार्यकाळही पूर्ण करु शकले नाहीत.हे फक्त विरोधी पक्षालाच अस्थिर करत नाही तर आपल्या पक्षात,कुटुंबातही ते असेच करतात.१९९५ मध्येही हा अतृप्त आत्मा शिवसेना भाजपाचे सरकार अस्थिर करु पाहात होता.२०१९ मध्ये या अतृप्त आत्म्याने काय केले ते महाराष्ट्राला माहीत आहेच.आता देश अस्थिर करण्याचा प्रयत्न या अतृप्त आत्म्याने सुरु केला आहे असे ते म्हणाले होते.