“पंतप्रधानांचे ‘ते’ विधान अत्यंत दळभद्री”खासदार संजय राऊत यांची पंतप्रधान नरेंद्र मोदींवर टीका

मुंबई-पोलीस नायक (वृत्तसेवा) :-

दि.१० मे २४ शुक्रवार

शिवसेना उबाठा गटाचे नेते संजय राऊत यांनी पंतप्रधान मोदींवर केलेल्या टीकेवरून भाजपाकडून आक्रमक पवित्रा अवलंबण्यात येत आहे. संजय राऊत यांच्याविरोधात राज्यात ठिकठिकाणी गुन्हे दाखल करण्यात येत आहे यावर आज माध्यमांशी बोलत असतांना संजय राऊत यांनी भूमिका स्पष्ट केली.मी कुणालाही औरंगजेब म्हणालो नाही.मी औरंगजेबी विकृतीवर बोललो होतो तसेच जे महाराष्ट्रावर चाल करून येतील त्यांना गाडू हे कुणाला व्यक्तिगत बोललेलो नाही असे संजय राऊत यांनी स्पष्ट केले.संयुक्त महाराष्ट्राच्या लढ्यापासून ज्यांनी ज्यांनी महाराष्ट्रावर चाल करण्याचा प्रयत्न केला त्यांना याच महाराष्ट्राच्या मातीत गाडलेले आहे हा इतिहास आहे.इतिहासात अफजल खान,शाहिस्तेखान असेल किंवा औरंगजेब असेल.ज्यांनी महाराष्ट्रावर हल्ले केले त्यांना इथे गाडले गेले यात काही चुकीचे नाही त्यांना एवढ्या मिरच्या झोंबण्याचे कारण काय ? असा सवाल संजय राऊत यांनी उपस्थित केला आहे.