घाटकोपर दुर्घटनेत मृतांची संख्या वाढली, महाकाय होर्डिंग उचलण्याचे काम सुरूच

पूर्व द्रुतगती मार्गाला लागूनच पेट्रोल पंप असल्याने घटना घडल्यानंतर बघ्यांची मोठी गर्दी जमा झाली.चालकांनी रस्त्यालगत वाहने थांबविल्याने बराच वेळ मार्गावर वाहतूक कोंडी झाली होती.घटना पाहण्यासाठी बाजूला असलेल्या लोकवस्तीमधून नागरिक धावल्याने गर्दीत भर पडली. अखेर पोलिसांनी सर्वांना बाजूला केल्यानंतर मदतकार्य सुरु झाले.फलकाला परवानगी कुणाची ? फलक असलेली जागा मुंबई लोहमार्ग पोलिसांच्या नावे आहे.फलक उभे करण्यासाठी आपण कार्यभार स्वीकारण्यापूर्वी परवानगी देण्यात आली होती असा दावा लोहमार्ग पोलीस आयुक्त डॉ.रवींद्र शिसवे यांनी केला.फलकाला परवानगी कुणाच्या अखत्यारित देण्यात आली याची चौकशी सुरू करण्यात आल्याचे ते म्हणाले.मुख्यमंत्री एकनाथ शिंदे यांनी मृतांच्या नातेवाईकांना ५ लाखांची मदत जाहीर केली आहे.तसेच जखमींच्या उपचारांचा खर्च सरकार करणार असल्याचेही ते म्हणाले.दरम्यान भावेश भिडे आणि इतरांविरोधात पंतनगर पोलीस ठाण्यात कलम ३०४, ३३८, ३३७ आणि ३४ अंतर्गत गुन्हा दाखल करण्यात आला आहे.राज्याचे उपमुख्यमंत्री देवेंद्र फडणवीस यांनी घाटकोपर येथील घटनास्थळाला रात्री उशिरा भेट दिली. घाटकोपर येथे होर्डिंग कोसळून झालेल्या दुर्देवी अपघाताच्या ठिकाणी जाऊन प्रत्यक्ष परिस्थितीची पाहणी केली तसेच मदत आणि बचावकार्याचा आढावा घेतला.एनडीआरएफ आणि प्रशासन अतिशय गतीने काम करीत आहे.या घटनेच्या चौकशीचे आदेश आपण आधीच दिले आहेत.दोषींवर कठोर कारवाई करण्यात येईल असे आश्वासन देवेंद्र फडणवीस यांनी दिले आहे.दरम्यान या घटनेतील मृतांच्या कुटुंबीयांना ५ लाख रुपयांची आर्थिक मदत तसेच जखमींच्या उपचाराचा खर्च राज्य सरकारतर्फे करण्याचे मुख्यमंत्री एकनाथ शिंदे यांनी जाहीर केलेले आहे.या घटनेतील मृतांना मी भावपूर्ण श्रद्धांजली अर्पण करतो.जखमींना लवकर आराम पडावा अशी ईश्वरचरणी प्रार्थना करतो असे देवेंद्र फडणवीस यांनी म्हटले आहे.