या प्रकाराची सखोल चौकशी करण्याची मागणी करत सातारकर संतप्त झाले असून काल दि.२० मे सोमवार रोजी जिल्हाधिकारी जितेंद्र डुडी यांना निवेदन देण्यात आले.सर्वत्र निषेध केला जात असतांना शाळेकडून अद्याप कोणताही खुलासा न आल्याने संताप वाढला आहे.सकाळी हिंदुत्ववादी संघटना निर्मला स्कूलसमोर जमा होऊ लागताच शहर पोलिसांची कुमक तेथे पोहोचली.संतप्त लोक आंदोलनाच्या तयारीत असतांना पोलिसांनी त्यांना आचारसंहितेचे कारण देऊन रोखले.त्यावर कार्यकर्त्यांनी घोषणा देत शाळेच्या बंद गेटला ‘निषेधाचे पत्र’ डकवून संताप व्यक्त केला.हा प्रकार चुकून झाला आहे की धर्म परिवर्तन करण्यासाठी याचा वापर केला जाऊ शकतो अशी बाब हिंदुत्ववादी संघटनांनी जिल्हाधिकाऱ्यांच्या निदर्शनास आणली.ही माहिती मिळताच जिल्हाधिकारी जितेंद्र डुडी यांनाही धक्का बसला व याची पूर्ण चौकशी करणार असल्याचे त्यांनी सांगितले.भाजप,विश्व हिंदू परिषद,बजरंग दल,सजग पालक फाउंडेशन व काही शिक्षक संघटना या शाळेविरोधी आंदोलनात सहभागी झाल्या आहेत.