“शिवसेना फोडणे हे मोदी शाह यांचे मोगलानंतरचे सर्वात मोठे आक्रमण” !! संजय राऊत यांची टीका

मुंबई-पोलीस नायक (वृत्तसेवा) :-

दि.१८ जून २४ मंगळवार

खासदार संजय राऊत यांनी मोदी आणि शाह यांच्यावर पुन्हा एकदा टीका केली असून ‘जिथे ठाकरे तिथेच शिवसेना’ या वाक्याचा पुनरुच्चारही केला आहे तसेच शिवसेनेचा वर्धापन दिन हा चांगल्या प्रकारे साजरा होईल असेही त्यांनी म्हटले आहे.शिवसेनेचा ५८ वा वर्धापन दिन असून  शिवसेना प्रमुख बाळासाहेब ठाकरेंनी ५८ वर्षांपूर्वी शिवसेनेची स्थापना केली आहे.मराठी माणूस,भूमिपुत्रांचा लढा त्यांनी उभा केला.उद्धव ठाकरे या सेनेचे नेतृत्व करत आहेत.शिंदे गटाकडे पैसा आहे त्यामुळे पैसा फेक तमाशा देख हे चालले आहे.त्यांचा पक्षाशी,बाळासाहेबांच्या विचारांशी काय संबंध ? महाराष्ट्राचे शत्रू आहेत त्या भाजपाशी शिंदेंनी हातमिळवणी केली आहे पण जिथे ठाकरे तिथे शिवसेना.लोकसभेतल्या विजयानंतर आम्ही मोठा कार्यक्रम करतो आहोत.विधानसभेची रणनीतीही आम्ही ठरवणार आहोत.उद्धव ठाकरे मार्गदर्शन करतील असे संजय राऊत म्हणाले.रवींद्र वायकर शिवसेनेत होते,शिवसेनेत त्यांना विविध पदे मिळाली,आमदारकी मिळाली.उद्धव ठाकरेंचे निकटवर्तीय होते पण ईडी आणि सीबीआयच्या भीतीने ते पळाले.रवींद्र वायकर डरपोक आहेत म्हणून पळाले त्यांनी आम्हाला ज्ञान शिकवू नये.आम्ही ईव्हीएमवर आरोप केलेला नाही.आम्ही यंत्रणेवर आरोप केलाय आणि त्याचे पुरावेही दिलेत.रवींद्र वायकर हरले तरीही त्यांना जिंकवण्यात आले यात फसवेगिरी झाली आहे असेही संजय राऊत म्हणाले.