“जीवन मे गिरना भी अच्छा है,औकात का पता चलता है…” !! गुलाबराव पाटलांचा शेरोशायरीतून ठाकरे गटावर हल्लाबोल

मुंबई-पोलीस नायक (वृत्तसेवा) :-

दि.२० जून २४ गुरुवार

शिवसेना पक्षाचा काल ५८ वा वर्धापन दिन साजरा करण्यात आला असून शिवसेनेतील फूटीनंतर आता दोन वेगवेगळे वर्धापन दिन साजरे करण्यात आले आहेत यामध्ये शिवसेना ठाकरे गटाचा वर्धापन षण्मुखानंद सभागृहात साजरा करण्यात आला तर दुसरीकडे वरळीच्या एनआयसी येथे शिवसेना शिंदे गटाचा वर्धापन दिनाचा कार्यक्रम पार पडला यावेळी मोठ्या संख्येने कार्यकर्ते व पदाधिकाऱ्यांची उपस्थित होते. यावेळी शिवसेना शिंदे गटाचे नेते गुलाबराव पाटील यांनी शिवसेना ठाकरे गटावर हल्लाबोल केला.दोन वर्षापूर्वीचा जून महिना आपल्याला आठवत असेल.दोन वर्षांपूर्वी उठाव झाला त्या उठावाने महाराष्ट्रात आणि देशात इतिहास घडला त्या इतिहासाचे शिलेदार हे एकनाथ शिंदे होते त्यांनी या महाराष्ट्रात शिवशाही स्थापन करण्याचा प्रयत्न केला.मी अनेक वर्षांपासून निवडणुका पाहत आलो आहे त्या निवडणुकांमध्ये असणारे प्रश्न हे शेतीचे असायचे.शेतीच्या पिकाच्या भावाचे मुद्दे असायचे.पाण्याचे प्रश्न असायचे मात्र या निवडणुकीमध्ये असे काही मुद्दे पाहायला मिळाले नाही.या निवडणुकीमध्ये फक्त अफवा,अफवा आणि अफवा पसरवल्या गेल्या.चुकीच्या गोष्टी सांगण्यात आल्या अशा पद्धतीचे चित्र निर्माण करण्यात आले असा हल्लाबोल गुलाबराव पाटील यांनी केला.