महायुतीत महाबिघाडी ? पुण्यातील ‘चिंताजनक घटने’वर अजित पवार गटाची थेट चंद्रकांत पाटलांवर टीका

मुंबई-पोलीस नायक (वृत्तसेवा) :-

दि.२४ जून २४ सोमवार

पुणे पोर्श अपघातप्रकरणानंतर पुण्यातील सुरक्षा व्यवस्था चव्हाट्यावर आली आहे तसेच गेल्या काही दिवासंपासून सातत्याने कायदा आणि सुव्यवस्थेचे प्रश्नचिन्ह निर्माण होत आहेत.तर काही दिवसांपूर्वी एफसी रोड परिसरातील एका नामांकीत हॉटेलमध्ये मध्यरात्री काही अल्पवयीन मुलांनी ड्रग्स सेवन करतानाचा एक व्हिडीओ सोशल मीडियावर व्हायरल झाला होता व या सर्व घटनांवरून पुण्याचे पालकमंत्री आणि राज्याच्या गृहमंत्र्यांवर टीका केली जात आहे.तसेच मी पालकमंत्री असतांनाही अशा प्रकारच्याच नाही तर सर्वजण चिंता करतील अशा घटना घडल्या नाहीत असे चंद्रकांत पाटील यांनी माध्यमांशी बोलतांना म्हटले होते यावरून आता अजित पवार गटातील नेते अमोल मिटकरी यांनी एक्स पोस्ट केली आहे त्यामुळे आता महायुतीत बिघाडी होत असल्याची चर्चा सुरू झाली आहे.मी पालकमंत्री असतानाही अशा प्रकारच्याच नाही तर सर्वजण चिंता करतील अशा घटना घडल्या नाहीत असे चंद्रकांत पाटील यांनी माध्यमांशी बोलताना म्हटले मात्र त्यानंतर पुन्हा या विधानावरून त्यांनी सारवासारव करण्याचा प्रयत्न केला ते पुढे म्हणाले,अशा प्रकारच्या घटना घडल्या आहेत की नाही मला आता आठवत नाहीत.तुम्हालाही आठवत नसतील पण घडल्याच नाही असा दावा करत येत नाही ना ? पुण्याची लोकसंख्या आधी १४ लाख होती आता ७० लाख झाली.पुण्यात मोठ्या प्रमाणात उद्योग,व्यवसाय,शिक्षण,रुग्णालये चांगली झाल्यामुळे गर्दी वाढत चालली आहे त्यामुळे अशा प्रकारच्या घटना घडू नये यासाठी पोलीस प्रशासनाने काळजी घेतली पाहिजे धाक निर्माण केला पाहिजे असे चंद्रकांत पाटील यांनी म्हटले आहे.