योजनांचा पाऊस आणि अंमलबजावीणचा दुष्काळ !! अच्छे दिनचा नारा दिला होता त्याचे काय झाले ? उद्धव ठाकरेंची बोचरी टीका

मुंबई-पोलीस नायक (वृत्तसेवा) :-

दि.०९ ऑक्टोबर २४ बुधवार

मी भाजपाला सोडले म्हणजे हिंदुत्व सोडले नाही त्यांचे हिंदुत्वाच्या नावाखाली जे काही थोतांड चालले होते त्यामुळे मी त्यांना सोडले असून आमचे हिंदुत्व कुणावर अन्याय करणारे हिंदुत्व नाही.मोदींचे जे काही चालते ते म्हणजे निवडणूक जिंकेपर्यंत सबका साथ आणि निवडणूक जिंकल्यावर मित्राचा विकास हे आमचे हिंदुत्व नाही.ज्या कठीण काळात शिवसेनेने तुम्हाला साथ दिली त्याच शिवसेनेवर हे उलटले.आमदार, नगरसेवक निवडून आले त्याचेही अप्रुप वाटायचे.वाजपेयी पंतप्रधान झाले तेव्हाही आनंद झाला.शिवसेना आणि भाजपामध्ये युतीच्या काळात सत्ता किती काळ आमच्याकडे होती ? पण कठीण काळात आम्ही साथ दिली होती पण हे माडीवर चढले आणि आम्हाला लाथ मारु लागले हा आपमतलबीपणा देशाला घातक आहे असे उद्धव ठाकरे यांनी म्हटले आहे.उद्धव ठाकरेंनी जागर महाराष्ट्र धर्माचा या मेळाव्याला उपस्थिती दर्शवली होती त्यावेळी त्यांनी मोदी आणि शाह यांच्यावर तसेच भाजपावर टीका केली.

अच्छे दिनचा नारा दिला होता.अच्छे दिनचा नारा शाकाहारी माणसाच्या गळ्यातल्या आश्वासनाचे हाड बनला दुर्दैवाने आम्हीही त्यांच्याबरोबर तेव्हा होतो.शेतकऱ्यांशी मध्यंतरी बोललो तेव्हा शेतकरी म्हणाले की तुमच्यामुळे आमचे कर्ज माफ झाले वगैरे.मी काही उपकार केले नाहीत. आत्ताच्या सरकारने ज्या योजना आणल्या असे उद्धव ठाकरेंनी म्हटले आहे.योजनांचा पाऊस आणि अंमलबजावणीचा दुष्काळ ही सध्याची स्थिती आहे त्याचा समारंभ करत आहेत,पैसे देऊन लोक आणत आहेत.फुकट साड्या वाटत आहेत.मग महिलांना विचारतात पैसे मिळाले का? तू काय घरचे पैसे वाटतो का ? हक्काचे पैसे ढापले,सरकार स्थापन करताना ५० खोके घेतले.गद्दारांना ५० खोके आणि बहिणीला फक्त १५०० ? फोडाफोडी करताना लाज वाटली नाही आणि आता हे आमचेच पैसे आम्हाला देऊन गद्दारी करायला लावतो आहेस का ? असे म्हणत उद्धव ठाकरेंनी नाव न घेता एकनाथ शिंदेंवर टीका केली.