१०-१२ ठिकाणी जे काही थोडेफार मतभेद आहेत ते दूर होतील.जिथे दोन उमेदवारांनी अर्ज भरले आहेत तिथे मार्ग काढला जाईल.६ नोव्हेंबरपासून मी,राहुल गांधी, उद्धव ठाकरे आणि इतर सगळेच प्रचार सुरु करतो आहोत.महाराष्ट्रातली जनता आम्हाला उत्तम साथ देईल.यानंतर सिंचन घोटाळ्याबाबत शरद पवारांनाप्रश्न विचारला असता कशाला आज विचारता ? चांगला दिवस आहे म्हणत त्यांनी बोलणे टाळले.महाराष्ट्रातली राजकीय परिस्थिती २०१९ पेक्षा या निवडणुकीत पूर्णपणे वेगळी आहे. महाराष्ट्रात २०२४ ला युती विरुद्ध आघाडी अशी लढत होती.आता शिवसेना आणि राष्ट्रवादी हे दोन पक्ष फुटले आहेत त्यांचे चार पक्ष तयार झाले आहेत.सध्याची लढत ही महाविकास आघाडी विरुद्ध महायुती अशी आहे.या लढतीत सत्तेतले तीन पक्ष आणि विरोधातले तीन पक्ष असे सहा पक्ष समोरासमोर आहेत.राज ठाकरेंचा मनसे हा पक्ष काय कामगिरी करतो ? वंचित बहुजन आघाडी आणि तिसऱ्या आघाडीची कामगिरी कशी असेल ? जरांगे फॅक्टरचा परिणाम कसा होईल ? हे सगळे पाहणे महत्त्वाचे असणार आहे.सगळ्या पक्षांचे जागावाटप जवळपास पूर्ण झाले आहे मात्र अनेक ठिकाणी समोरासमोर उमेदवार देण्यात आले आहेत मात्र हा प्रश्न चर्चेने सुटेल असा विश्वास शरद पवार यांनी व्यक्त केला आहे.