“पंतप्रधान मोदी म्हणजे ‘झुटों के सरदार’ त्यांनी हेच लाल संविधान…” !! ‘त्या’ टीकेला मल्लिकार्जून खरगेंचे प्रत्युत्तर !!

मुंबई-पोलीस नायक (वृत्तसेवा) :-

दि.१० नोव्हेंबर २४ रविवार

काँग्रेसकडून संविधानाच्या नावावर लाल पुस्तक छापण्यात येत असून त्याची पाने कोरी आहेत तसेच शहरी नक्षलवादाला समर्थन देण्यासाठी त्या पुस्तकाचा रंग लाल आहे हा एकप्रकारे संविधान संपवण्याचा प्रयत्न असून काँग्रेसला देशात स्वत:चे संविधान लागू करायचे आहे अशी टीका पंतप्रधान नरेंद्र मोदींनी नांदेडमधील प्रचारसभेत बोलताना केली होती त्यांच्या या टीकेनंतर आता विविध राजकीय प्रतिक्रिया उमटू लागल्या आहेत.दरम्यान या टीकेबाबत काँग्रेसचे राष्ट्रीय अध्यक्ष मल्लिकार्जून खरगे यांनीही भाष्य केले आहे.मुंबईत आज महाविकास आघाडीची पत्रकार परिषद आयोजित करण्यात आली होती या परिषदेला मल्लिकार्जून खरगेदेखील उपस्थित होते. यावेळी बोलताना त्यांनी पंतप्रधान मोदींच्या या टीकेला प्रत्युत्तर दिले असून पंतप्रधान मोदी म्हणजे ‘झूटो के सरकार’ आहेत त्यांनी आरोप केला की लाल रंगाचे संविधान दाखवून काँग्रेस शहरी नक्षलवादाला प्रोत्साहन देत आहे.मात्र २०१७ मध्ये मोदींनी हेच संविधान तत्कालीन राष्ट्रपती रामनाथ कोविंद यांना भेट म्हणून दिले होते मग ते सुद्धा कोरे का ? याचे उत्तर आता पंतप्रधान मोदींनी द्यावे असे ते म्हणाले.