“पंतप्रधानांना संविधानाची जाणच नाही” !! गोंदिया येथील प्रचारसभेत राहुल गांधी यांची टीका !!

गोंदिया-पोलीस नायक (वृत्तसेवा) :-

दि.१३ नोव्हेंबर २४ बुधवार

नरेंद्र मोदी व राष्ट्रीय स्वयंसेवक संघ हे २४ तास केवळ संविधानावर हल्ला करण्याचा प्रयत्न करीत असतात व हा हल्ला ते समोरून नव्हे तर बंद दारातून करतात.मोदी म्हणतात,आमच्याकडचे संविधान लाल रंगाचा आहे मग त्यांनी सांगावे या संविधानात फुले,आंबेडकर,भगवान बुद्ध यांचे विचार नाहीत का ? माझ्या मते मोदींना संविधानाची जाणच नाही त्यांनी संविधानाचे वाचनच केले नाही व वाचन केले असते तर संविधानाचे महत्त्व त्यांना कळले असते अशी टीका विरोधी पक्षनेते राहुल गांधी यांनी केली.काल मंगळवारी गोंदिया येथे महाविकास आघाडीच्या उमेदवारांच्या प्रचारसभेत ते बोलत होते.मोदींनी देशात तीन काळे कृषी कायदे आणले होते त्याविरोधात संपूर्ण देशातील शेतकरी रस्त्यावर उतरले तरीदेखील मोदी म्हणतात हे कायदे शेतकरी हिताचे आहेत.हे सरकार अंबानी आणि अदानीचे असल्याची टीकाही राहुल यांनी यावेळी केली.